17th Sep2013

ຄະນະຜູ້ແທນຫວຽດນາມ,ຈີນແລະສິງກະ ໂປທີ່ເຂົ້າຮ່ວມກອງປະຊຸມລັດຖະມົນຕີອາຊຽນ ວ່າດ້ວຍອາຊະຍາກຳຂ້າມຊາດຄັ້ງທີ 9 ເຂົ້າຢ້ຽມຂໍ່ານັບທ່ານລັດຖະມົນຕີກະຊວງ ປ້ອງກັນຄວາມສະຫງົບ

by somchan

china

 

ໃນວັນທີ 16 ກັນຍາ 2013 ນີ້ ທ່ານ ເຕີ້ນດ້າຍກວາງ ລັດຖະມົນຕີວ່າການກະຊວງຕຳຫຼວດຫວຽດນາມ ພ້ອມດ້ວຍຄະນະຜູ້ແທນທີ່ເຂົ້າຮ່ວມກອງປະຊຸມລັດຖະມົນຕີ ອາຊຽນວ່າດ້ວຍອາຊະຍາກຳຂ້າມຊາດຄັ້ງທີ 9 ໄດ້ເຂົ້າ ຂໍ່ານັບທ່ານ ດຣ ທອງບັນ ແສງອາພອນ ລັດຖະມົນຕີ ວ່າການກະຊວງປ້ອງກັນຄວາມສະຫງົບ ສປປ ລາວ.

ໃນໂອກາດນີ້ ທ່ານ ເຕີ້ນດ້າຍກວາງ ກໍ່ໄດ້ກ່າວສະແດງຂອບໃຈ ແລະ ຍ້ອງຍໍຕໍ່ການຕ້ອນຮັບຈາກຄະນະນຳກະຊວງປ້ອງກັນຄວາມສະຫງົບລາວ ແລະ ທ່ານເຫັນໄດ້ວ່າໃນການເຂົ້າຮ່ວມກອງປະຊຸມໃນຄັ້ງນີ້ຈະເຮັດໃຫ້ສາຍພົວພັນການຮ່ວມມືລະຫວ່າງລາວແລະຫວຽດນາມນັບມື້ມີຄວາມແໜ້ນແຟ້ນຂື້ນຢ່າງບໍ່ຢຸດຢັ້ງ, ພ້ອມກັນນີ້ ທ່ານ ດຣ ທອງບັນ ແສງອາພອນ ກໍ່ໄດ້ກ່າວຕ້ອນຮັບ ແລະ ຊົມເຊີຍຕໍ່ກັບການມາເຂົ້າຮ່ວມຂອງຄະນະນຳກະຊວງຕຳຫຼວດຫວຽດນາມໃນຄັ້ງນີ້, ໂດຍທ່ານໄດ້ຍົກໃຫ້ເຫັນເຖິງຄວາມສາມັກຄີແບບພິເສດ ແລະ ສາຍພົວພັນຮ່ວມມືຮອບດ້ານ ລະຫວ່າງສອງພັກ,ສອງລັດ ປະຊາຊົນສອງຊາດ ລາວ-ຫວຽດນາມ ກໍ່ຄືຂອງສອງກະຊວງຕຳຫຼວດຫວຽດນາມແລະກະຊວງປ້ອງກັນຄວາມສະຫງົບລາວທີ່ມີຄວາມຜູກພັນກັນຢ່າງແໜ້ນແຟ້ນ ແລະ ທ່ານເຊື່ອໝັ້ນວ່າຜ່ານກອງປະຊຸມໃນຄັ້ງນີ້ຈະເຮັດໃຫ້ການພົວພັນຮ່ວມມືລະຫວ່າງສອງຊາດລາວ-ຫວຽດນາມ ເວົ້າລວມ,ເວົ້າສະເພາະ ກໍ່ແມ່ນດ້ານ ວຽກງານປ້ອງກັນຄວາມສະ ຫງົບ ກໍ່ຄືການຕ້ານອາຊະຍາກຳຂ້າມຊາດ ຈະມີປະສິດທິຜົນ ແລະ ຮັດແໜ້ນຍິ່ງໆຂື້ນ.

ນອກຈາກນີ້ ທ່ານ ດຣ ທອງບັນ ແສງອາພອນ ລັດຖະມົນຕີວ່າການກະຊວງປ້ອງກັນຄວາມສະຫງົບ ຍັງໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ ມາດສະໂກດ ຊຸກິຟີຣ ລັດຖະມົນຕີກະຊວງພາຍໃນສິງກະໂປ ພ້ອມດ້ວຍຄະນະ ແລະ ທ່ານ ໝິງໂຮ່ງເວ່ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບ ສ.ປ ຈີນ ພ້ອມດ້ວຍຄະນະ ຜູ້ແທນທີ່ເຂົ້າຮ່ວມກອງປະຊຸມລັດຖະມົນຕີອາຊຽນວ່າດ້ວຍອາຊະຍາກຳຂ້າມຊາດ ຄັ້ງທີ 9 ນີ້ ອີກດ້ວຍ.

Off

Comments are closed.