24th Apr2021

ເຈົ້າຫນ້າທີ່ໄທ ຮ່ວມມືກັບເຈົ້າຫນ້າທີ່ລາວໃນການນໍາໂຕຜູ້ເຂົ້າອອກເມືອງຜິດກົດໝາຍມາລົງໂທດ

by somchan

ຕາມການລາຍງານຂ່າວຂອງສື່ມວນຊົນປະເທດໄທ ຫລາຍສໍານັກຂ່າວ ໄດ້ລາຍງານໃຫ້ຮູ້ວ່າ: ຕໍາຫລວດກວດຄົນເຂົ້າ-ອອກເມືອງ ແຂວງໜອງຄາຍ ໄດ້ແຈ້ງເອົາຜິດຜູ້ຊາຍໄທສອງຄົນກັບຜູ້ຍິງລາວໜຶ່ງຄົນທີ່ລັກລອບເຂົ້າ-ອອກປະເທດ ທັງທີ່ຮູ້ວ່າຕິດເຊື້ອໂຄວິດ-19 ເຂົ້າໄປແພ່ເຊື້ອຢູ່ປະເທດລາວ.

ລາຍງານຂ່າວ Police TV ຂອງປະເທດໄທລະບຸວ່າ ໃນຕອນແລງຂອງວັນທີ 23 ເມສາ 2021,  ພັທ ພີຣະພັດ ປຣົມພຸດ ຮອງຜູ້ກໍາກັບ ຕໍາຫລວດ ກວດຄົນເຂົ້າອອກເມືອງແຂວງໜອງຄາຍ ພ້ອມດ້ວຍຄະນະ ໄດ້ເຂົ້າໄປ ແຈ້ງຄວາມ ຕໍ່ສໍານັກງານ ຕໍາຫລວດ ໜອງຄາຍ ໃຫ້ເອົາຄວາມຜິດຜູ້ຊາຍໄທສອງຄົນກັບຜູ້ຍິງລາວໜຶ່ງຄົນ ໃນສະຖານການລັກລອບເຂົ້າ-ອອກ ປະເທດ ແລະ ປິດບັງ ຂໍ້ມູນການເດີນທາງນໍາເອົາເຊື້ອພະຍາດໂຄວິດໄປແພ່ໃນປະເທດລາວ, ເຮັດໃຫ້ສອງປະເທດມີ ຄວາມເດືອດຮ້ອນ. ຜູ້ຊາຍໄທສອງຄົນ ຊື່ ທ້າວ ຊິດຕະພົນ ອາຍຸ 30  ປີ ແລະ ທ້າວ ທະນະກຣິດ ອາຍຸ 31 ປີ ແລະ ຜູ້ຍິງລາວ ອາຍຸ 26 ປີ ຊຶ່ງທັງສາມ ໄດ້ລັກລອບເຂົ້າປະເທດລາວຕາມທີ່ໄດ້ເປັນຂ່າວພົວພັນເຖິງການແພ່ເຊື້ອພະຍາດໂຄວິດ-19 ຕິດພັນຜູ້ຕິດເຊື້ອກໍລະນີ 59 ຢູ່ປະເທດລາວ.

ໃນການນໍາຫາສາມຄົນນີ້ ເຈົ້າຫນ້າທີ່ຕຳຫຼວດກວດຄົນເຂົ້າ-ອອກເມືອງ ຂອງ ສປປ ລາວ ໄດ້ປະສານງານ ກັບ ເຈົ້າຫນ້າທີ່ຕຳຫຼວດກວດຄົນເຂົ້າ-ອອກເມືອງ ຂອງປະເທດໄທ ໃນແຕ່ລະວັນ ຊຶ່ງໄດ້ຮັບຄວາມຮ່ວມມືທີ່ດີ ເພື່ອພ້ອມກັນແກ້ໄຂສະພາບການລະບາດຂອງພະຍາດໂຄວິດ-19. ກໍ ລະນີຜູ້ຍິງລາວແມ່ນຈະຖືກປະຕິບັດໂທດຕາມກົດໝາຍຂອງປະເທດໄທກ່ອນແລ້ວຈຶ່ງຈະສົ່ງກັບລາວ. ປັດຈຸບັນທັງສາມຄົນພວມ ປິ່ນປົວຢູ່ໂຮງໝໍໜອງຄາຍ.

Off

Comments are closed.