26th Apr2021

ເຈົ້າຫນ້າທີ່ຕໍາຫຼວດ ປະກອບສ່ວນໃນວຽກງານ ຂະແຫນງການສາທາລະນະສຸກ ຢ່າງຕັ້ງຫນ້າ

by somchan

ໃນວັນທີ 24 ເມສາ 2021 ຢູ່ສູນເກັບຕົວຢ່າງ ເພື່ອກັ່ນກອງຫາເຊື້ອພະຍາດໂຄວິດ-19 ຈຸດບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ ເຈົ້າຫນ້າທີ່ຕໍາຫຼວດໄດ້ເຄື່ອນໄຫວຈັດຕັ້ງ ປະຕິບັດຫນ້າທີ່ ຮັກສາຄວາມສະຫງົບ-ຄວາມເປັນລະບຽບຮຽບຮ້ອຍພາຍໃນສູນຢ່າງຕັ້ງຫນ້າ, ພ້ອມກັນ ນັ້ນ ຍັງໄດ້ຊ່ວຍເຫຼືອບັນດາແພດຫມໍ ໃນການກະກຽມອຸປະກອນເຕັກນິກໃນການເກັບຕົວຢ່າງເພື່ອກັ່ນກອງຫາເຊື້ອພະຍາດໂຄວິດ-19 ນໍາອີກ ສະແດງເຖິງຄວາມພ້ອມພຽງຮຽງຫນ້າຂອງທຸກພາກສ່ວນ ເພື່ອ ປ້ອງກັນສະກັດກັ້ນ ການແຜ່ລະບາດຂອງເຊື້ອພະຍາດໂຄວິດ-19 ບໍ່ໃຫ້ແຜ່ລາມເປັນວົງກວ້າງ.

ນອກຈາກສຸມໃສ່ໃນການຮັກສາຄວາມສະຫງົບແລ້ວເຈົ້າຫນ້າທີ່ຕຳຫຼວດ ປກສ ເມືອງສີສັດຕະ ນາກ ທີ່ເອົາໃຈໃສ່ໃນການປະຕິບັດຫນ້າທີ່ຢ່າງຕັ້ງຫນ້າ ແລະ ຍັງໄດ້ຊ່ວຍເຫຼືອແບ່ງເບົາແພດຫມໍ ໃນການ ຈັດແຈງການເກັບຕົວຢ່າງກວດຫາເຊື້ອພະຍາດ ຊ່ວຍແນະນໍາ ເລືອກເຟັ້ນ ໄຈ້ແຍກຕົວຢ່າງ ເຊິ່ງ ສະແດງໃຫ້ເຫັນຄວາມມີນ້ໍາໃຈເສຍສະຫຼະ, ເປັນແບບຢ່າງທີ່ດີຂອງສັງຄົມ ແລະ ຮຽກຮ້ອງມາຍັງເຈົ້າຫນ້າທີ່ທຸກພາກສ່ວນ ນອກຈາກເຮັດວຽກປ້ອງກັນແລ້ວ ຖ້າມີວຽກງານອື່ນທີ່ສາມາດຊ່ວຍເຫຼືອແບ່ງເບົາ ພາລະແພດຫມໍ, ປະຊາຊົນ ແລະ ອົງການຈັດຕັ້ງອື່ນໆ ໃຫ້ພ້ອມກັນປະຕິບັດຊ່ວຍເຫຼືອຢ່າງຕັ້ງຫນ້າ ໃຫ້ສົມກັບວ່າເປັນຕໍາຫຼວດມາຈາກປະຊາຊົນ, ຮັບໃຊ້ປະຊາຊົນຢ່າງແທ້ຈິງ.

Off

Comments are closed.