20th Sep2013

ກອງປະຊຸມລັດຖະມົນຕີອາຊຽນບວກຄູ່ ເຈລະຈາວ່າດ້ວຍອາຊະຍາກຳຂ້າມຊາດ

by somchan

ວັນທີ 18-9-2013

ໃນວັນທີ 18 ກັນຍາ 2013 ນີ້ຢູ່ທີ່ໂຮງແຮມດອນຈັນ ພາເລດໄດ້ຈັດກອງປະຊຸມປຶກສາຫາລືລັດຖະມົນຕີ ອາຊຽນບວກຄູ່ເຈລະຈາວ່າດ້ວຍອາຊະຍາກຳຂ້າມ ຊາດໂດຍການເປັນປະທານຂອງທ່ານ ດຣ ທອງບັນ ແສງອາພອນ ລັດຖະມົນຕີວ່າການກະຊວງປ້ອງ ກັນຄວາມສະຫງົບ,ໃນນັ້ນປະກອບມີກອງປະຊຸມ ປຶກສາຫາລືລັດຖະມົນຕີອາຊຽນບວກ 3 ( ສ.ປ ຈີນ, ຍີ່ປຸ່ນ, ສ.ເກົາຫຼີ ) ວ່າດ້ວຍອາຊະຍາກຳຂ້າມຊາດ ຄັ້ງທີ 6, ກອງປະຊຸມປຶກ ສາຫາລືລັດຖະມົນຕີ ອາຊຽນບວກ ສ.ປ ຈີນ ວ່າດ້ວຍອາຊະຍາກຳຂ້າມຊາດຄັ້ງທີ 3 ແລະ ກອງປະຊຸມປຶກສາຫາລືລັດຖະມົນຕີອາຊຽນບວກຍີ່ປຸ່ນວ່າດ້ວຍອາຊະຍາກຳຂ້າມຊາດຄັ້ງທິີ 1, ໂດຍມີບັນດາລັດຖະມົນຕີອາຊຽນວ່າດ້ວຍອາຊະຍາກຳຂ້າມຊາດ ແລະ ປະເທດຄູ່ເຈລະຈາເຂົ້າຮ່ວມ.

ບັນດາກອງປະຊຸມດັ່ງກ່າວໄດ້ມີການຕີລາຄາທົບທວນຄືນ ຜົນຂອງການຈັດຕັ້ງປະຕິບັດສົນທິສັນຍາ ວ່າດ້ວຍອາຊະຍາກຳຂ້າມຊາດ ຂອງກອງປະຊຸມຄັ້ງຜ່ານມາ ແລະ ພ້ອມກັນປຶກສາຫາລືແລກປ່ຽນບົດຮຽນ,ຄົ້ນຄວ້າ,ຊອກຫາວິທີທາງໃນການເພີ່ມທະວີການພົວພັນຮ່ວມມືລະຫວ່າງປະເທດສະມາຊິກອາຊຽນ ກັບຄູ່ຮ່ວມເຈລະຈາກ່ຽວກັບວຽກງານການຕ້ານ ແລະ ແກ້ໄຂບັນຫາອາຊະຍາກຳຂ້າມຊາດ, ທັງນີ້ກໍ່ເພື່ອເປັນການສະແດງເຖິງຄວາມເປັນປຶກແຜ່ນ,ຄວາມເປັນເອກະພາບຂອງອາຊຽນກັບປະເທດຄູ່ເຈລະຈາ ແລະ ເປັນການເສີມຂະຫຍາຍມິດຕະພາບ, ຄວາມເຂົ້າອົກເຂົ້າໃຈ,ຊ່ວຍເຫຼືອເຊີ່ງກັນແລະກັນອີກດ້ວຍ.

Off

Comments are closed.