30th Apr2021

ໃຫ້ທຸກຄົນສືບຕໍ່ຢູ່ເຮືອນຈົນຮອດ ວັນທີ 5 ພຶດສະພາ 2021

by somchan

ພັນໂທ ສັງຄົມ ພົມມະລາດ ຮອງຫົວໜ້າພະແນກຕຳຫລວດຈະລາຈອນ ນະຄອນຫລວງວຽງຈັນ ພ້ອມຄະນະໄດ້ສືບຕໍ່ລົງໂຄສະນາ ຕາມຖະໜົນຫົນທາງ ຂອບເຂດນະຄອນຫລວງວຽງຈັນ ໃນວັນທີ 29 ເມສາ 2021 ນີ້.

ໃນການໂຄສະນາຄັ້ງນີ້ເພື່ອຂໍຄວາມຮ່ວມມືຈາກທຸກຊັ້ນຄົນໃນສັງຄົມຮ່ວມແຮງຮ່ວມໃຈໃນການປ້ອງກັນ ແລະ ສະກັດກັ້ນເຊື້ອພະຍາດໂຄວິດ 19 ທີ່ກຳລັງແຜ່ລະບາດເປັນວົງກວ້າງຢູ່ນະຄອນຫລວງວຽງຈັນ ໃນປະຈຸບັນບໍ່ໃຫ້ແຜ່ລາມໄປຫລາຍກວ່ານີ້ ແລະ ຂໍຮຽກຮ້ອງໃຫ້ປະຊາຊົນຈົ່ງພ້ອມກັນປະຕິບັດ ຄຳສັ່ງເລກທີ 15/ນຍ ວາງອອກເຊັ່ນ:

– ຫ້າມອອກຈາກເຮືອນ ຫລື ໃຫ້ທຸກຄົນສືບຕໍ່ຢູ່ເຮືອນຈົນຮອດວັນທີ 5 ພຶດສະພາ 2021.

– ຖ້າທ່ານມີຄວາມຈຳເປັນຕ້ອງອອກຈາກເຮືອນເພື່ອໄປຊື້ເຄື່ອງອຸປະໂພກ ໄປໂຮງໝໍ ແລະ ອື່ນໆ ຂໍໃຫ້ມີສະຕິລະວັງຕົວໃສ່ຜ້າອັດປາກ-ດັງ ຢູ່ຫ່າງຈາກຄົນອື່ນ 2 ແມັດ ບໍ່ໄປບ່ອນສ່ຽງ, ບ່ອນທີ່ມີຄົນຫລາຍ ໜັ້ນລ້າງມືໃຫ້ສະອາດ ເປັນປະຈຳ, ຫ້າມຊຸມນຸມ-ຊຸມແຊວ ແລະ ອື່ນ.

– ໃຫ້ຕິດຕາມອາການຂອງຕົນເອງຖ້າມີອາການບໍ່ສະບາຍເຊັ່ນ: ເປັນໄຈ້, ໄອ, ເຈັບຄໍ, ຫາຍໃຈຝຶກ ໃຫ້ຮີບຮ້ອນໂທຫາເບີ 165 ຫລື 166.

ສຳລັບຜູ້ທີ່ມີຄວາມສ່ຽງ ຫລື ຜູ້ທີ່ໄດ້ສຳພັດໃກ້ຊິດກັບຜູ້ຕິດເຊື້ອ ຂໍໃຫ້ແຍກຕົນເອງອອກຈາກຄົນອື່ນທັນທີ່, ໃຫ້ໄປກວດຫາເຊື້ອພະຍາດໂຄວິດ 19, ໃຫ້ຂໍ້ມູນຄວາມຈິງກັບເຈົ້າໜ້າທີ່ ແລະ ໃຫ້ປະຕິບັດຄຳແນະນຳຂອງທ່ານໜໍຢ່າງເຂັ້ມງວດ.

Off

Comments are closed.