30th Apr2021

ນັກສຶກສາລາວທີ່ຮຽນຈົບມາຈາກ ສປ ຈີນ ມອບເຄື່ອງໃຫ້ໂຮງໝໍ 5 ເມສາ

by somchan

ໃນວັນທີ 30 ເມສາ 2021 ນີ້ ນັກສຶກສາລາວທີ່ຮຽນຈົບ ຈາກ ສປ ຈີນ ໄດ້ນຳເອົາເຄື່ອງບໍລິໂພກ ລວມມູນຄ່າ 5 ລ້ານກວ່າກີບ ມອບໃຫ້ໂຮງໝໍ 5 ເມສາ ກະຊວງປ້ອງກັນຄວາມສະຫງົບ ເພື່ອເປັນການຊຸກຍູ້ປະກອບສ່ວນໃຫ້ພະນັກງານແພດໝໍໃນການປະຕິບັດໜ້າທີ່ວຽກງານວິຊາສະເພາະ, ໂດຍສະເພາະໃນໄລຍະສະກັດກັ້ນ ແລະ ຕ້ານການລະບາດຂອງພະຍາດໂຄວິດ 19 ຕາງໜ້າຮັບໂດຍ ພັນເອກ ດຣ ນາງ ພຸດມາລາ ພັນທະມິດ ອຳນວນການໂຮງໝໍ 5 ເມສາ , ຕາງໜ້ານັກສຶກສາມອບໂດຍ ພັນໂທ ເກໄຊ ລໍວັນຮຽນ ຮອງຫົວໜ້າກົມຈັດຕັ້ງພະນັກງານ ກົມໃຫ່ຍການເມຶອງປ້ອງກັນຄວາມສະຫງົບ , ເຄື່ອງທີ່ນຳມາມອບມີ ນ້ຳດື່ມ 70 ແພັກ, ຜ້າອັດປາກ-ດັງ 20 ກັບ, ໜີ່ 5 ແກັດ, ກາເຟ 2 ແກັດ ແລະ ໂອວັນຕິນ 2 ແກັດ.

 

ໂອກາດດັ່ງກ່າວ ພັນເອກ ດຣ ນາງ ພຸດມາລາ ພັນທະມິດ ກໍໄດ້ສະແດງຄວາມຂອບໃຈມາຍັງນັກສຶກສາທີ່ໄດ້ປະກອບສ່ວນຊຸກຍູ້ຕໍ່ພະນັກງານແພດໝໍໃນຄັ້ງນີ້ ແລະ ເພື່ອເປັນຂັວນກຳລັງໃຈໃຫ້ແພດໝໍໃນການປະຕິບັດວຽກງານໂດຍສະເພາະການສະກັດກັ້ນ ແລະ ຕ້ານພະຍາດໂຄວິດ 19 .

Off

Comments are closed.