20th Sep2013

ການຖະແຫຼງຂ່າວຂອງປະທານກອງປະຊຸມ ລັດຖະມົນຕີອາຊຽນວ່າດ້ວຍອາຊະຍາກຳຂ້າມ ຊາດຄັ້ງທີ 9

by somchan

Asan-9(02)

ໃນວັນທີ 18 ກັນຍາ 2013 ນີ້ ທ່ານ ດຣ ທອງບັນ ແສງອາພອນ ລັດຖະມົນຕີວ່າການກະຊວງ ປ້ອງກັນຄວາມສະຫງົບ ປະທານກອງປະຊຸມລັດ ຖະມົນຕີອາຊຽນວ່າດ້ວຍອາຊະຍາກຳຂ້າມຊາດ ຄັ້ງທີ 9 ໄດ້ຖະແຫຼງກ່ຽວກັບຜົນສຳເລັດຂອງ ກອງປະຊຸມລັດຖະມົນຕີອາຊຽນວ່າດ້ວຍອາຊະ ຍາກຳຂ້າມຊາດຄັ້ງທີ 9 ຂື້ນ ຢູ່ທີ່ໂຮງແຮມ ດອນຈັນພາເລດ ນະຄອນຫຼວງວຽງຈັນ,ໂດຍທ່ານ ໄດ້ກ່າວວ່າ: ໃນກອງ ປະຊຸມລັດຖະມົນຕີອາ ຊຽນວ່າດ້ວຍອາຊະຍາກຳຂ້າມຊາດ ຄັ້ງທີ 9 ນີ້ໄດ້ມີການທົບທວນຄືນຕໍ່ການຮ່ວມມືຂອງອາຊຽນ ແລະ ອາຊຽນກັບປະເທດຄູ່ເຈລະຈາ ໃນການຕ້ານອາຊະຍາກຳຂ້າມຊາດ ໂດຍສະເພາະແມ່ນສ້າງຄວາມເຂົ້າໃຈ, ຄວາມໄວ້ເນື້ອເຊື່ອໃຈ ແລະ ຮ່ວມມືກັນ, ປະກອບສ່ວນເຂົ້າໃນວຽກງານຕ້ານອາຊະຍາກຳຂ້າມຊາດ.ກອງປະຊຸມລັດຖະມົນຕີອາຊຽນ ທີ່ຮັບຜິດຊອບວຽກງານອາຊະຍາກຳຂ້າມຊາດຄັ້ງທີ 9 ເຊີ່ງພວກເຮົາຈະໄດ້ພ້ອມກັນປຶກສາຫາລືທົບທວນຄືນ ການຈັດຕັ້ງປະຕິບັດບັນດາຂໍ້ຕົກລົງຕ່າງໆທີ່ໄດ້ຮັບຮອງເອົາຢູ່ ໃນກອງປະຊຸມຄັ້ງທີ່ຜ່ານມາ ແລະ ພ້ອມກັນປຶກສາຫາລືວາງທິດທາງແຜນການຮ່ວມມືໃນຕໍ່ໜ້າ ເພື່ອແກ້ໄຂບັນຫາອາຊະຍາກຳຂ້າມຊາດ ໂດຍສຸມໃສ່ 8 ຂົງເຂດເຊັ່ນ: ການຄ້າຂາຍຢາເສບຕິດຜິດກົດໝາຍ, ການຄ້າມະນຸດ, ການລັກລອບຄ້າຂາຍອາວຸດ, ອາຊະຍາກຳທາງດ້ານເສດຖະກິດ,ການປອມແປງເອກະສານ ແລະ ຄົນເຂົ້າ-ອອກເມືອງຜິດກົດໝາຍ, ອາຊະຍາກຳທາງດ້ານຄອມພິວເຕີ, ການໂຈລະກຳທາງທະເລ ແລະ ການຟອກເງິນ. ພ້ອມກັນນັ້ນຍັງໄດ້ປຶກສາຫາລືກັບປະເທດຄູ່ເຈລະຈາ ( ສ.ປ ຈີນ, ສ.ເກົາຫຼີ, ຍີ່ປຸ່ນ ) ເພື່ອເສີມຂະຫຍາຍການພົວພັນຮ່ວມມື, ການແລກປ່ຽນຄວາມຄິດຄວາມເຫັນກ່ຽວກັບການພັດທະນາ, ການສະກັດກັ້ນ ແລະ ຕ້ານອາຊະຍາກຳຕະຫຼອດເຖິງການສ້າງຄວາມເຂັ້ມແຂງ ໃຫ້ແກ່ເຈົ້າໜ້າທີ່ຂອງບັນດາປະເທດສະມາຊິກອາຊຽນໃນການແກ້ໄຂບັນຫາດັ່ງກ່າວ.

ທ່ານຍັງໄດ້ກ່າວຕື່ມອີກວ່າກອງປະຊຸມໃນຄັ້ງນີ້ ແມ່ນສາມາດບັນລຸໄດ້ຜົນສຳເລັດຕາມຈຸດປະສົງ ແລະ ລະດັບຄາດໝາຍ ໂດຍສະເພາະກອງປະຊຸມໄດ້ຕົກລົງເປັນເອກະພາບສ້າງຖະແຫຼງການຮ່ວມມືອາຊຽນ, ອາຊຽນກັບຄູ່ເຈລະຈາເພື່ອປ້ອງກັນ ແລະ ຕ້ານອາຊະຍາກຳຂ້າມຊາດໃນຕໍ່ໜ້າ.

 

Off

Comments are closed.