02nd May2021

ຄະນະສະເພາະກິດ ກອງບັນຊາການປ້ອງກັນເຄື່ອນທີ່ ເອົາໃຈໃສ່ຈັດຕັ້ງປະຕິບັດ ຕາມຄຳສັ່ງຂອງນາຍົກລັດຖະມົນຕີ ຢ່າງເຂັ້ມງວດ

by somchan

ວັນທີ 1 ພືດສະພາ 2021 ນີ້ ພັອ ທອງພັດ ແສນສຸວັນ ຮອງຫົວໜ້າກອງບັນຊາການ ປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ທັງເປັນຄະນະສະເພາະກິດ ຂັ້ນກະຊວງ ແລະ ຫົວໜ້າຄະນະສະເພາະ ເພື່ອ ປ້ອງກັນຄວບຄຸມ ແລະ ແກ້ໄຂການແພ່ລະບາດຂອງພະຍາດໂຄວິດ 19

ຂອງກອງບັນຊາການປ້ອງກັນເຄື່ອນທີ່ ໄດ້ໃຫ້ສຳພາດຕໍ່ສື່ມວນຊົນ ປ້ອງກັນຄວາມສະຫງົບ ວ່າ: ໂດຍຈັດຕັ້ງປະຕິບັດຕາມຄຳສັ່ງ ເລກທີ 15 ຂອງນາຍົກລັດຖະມົນຕີ ກໍ່ຄືແຜນງານ ວຽກງານອັນລະອຽດຂອງຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ 19 ຂັ້ນກອງບັນຊາການປ້ອງກັນເຄື່ອນທີ່ ແມ່ນໄດ້ເອົາໃຈໃສ່ຈັດຕັ້ງປະຕິບັດ ຢ່າງເຂັ້ມງວດ ແລະ ໄດ້ສົ່ງສາຍກວດລົງ ກວດກາລາດຕະເວນຕະຫຼອດ 24 ຊົ່ວໂມງ

ຜ່ານການຈັດຕັ້ງປະຕິບັດວຽກງານຕົວຈິງແມ່ນ ເຫັນໄດ້ວ່າປະຊາຊົນລາວ ບັນດາເຜົ່າ ແມ່ນໄດ້ເອົາໃຈໃສ່ປະຕິບັດມາດຕະການລະບຽບການ ໄດ້ເປັນຢ່າງດີ ແລະ ມີປະຊາຊົນຈຳນວນໜື່ງ ທີ່ຖືເບົາຕໍ່ກັບການຈັດຕັ້ງປະຕິບັດຕາມຄຳສັ່ງຂອງນາຍົກລັດຖະມົນຕີ ກໍ່ຄືຄະນະສະເພາະກິດວາງອອກ ຕໍ່ກັບບັນຫານີ້ ທີ່ເຈົ້າໜ້າທີ່ ກໍ່ໄດ້ເອົາໃຈໃສ່ ສືກສາອົບຮົມ ແລະ ກ່າວເຕືອນ ຕໍ່ບຸກຄົນດັ່ງກ່າວ.

Off

Comments are closed.