05th May2021

ການປະຕິບັດຄຳສັ່ງເລກທີ 15/ນຍ ນະຄອນຫລວງວຽງຈັນກໍໄດ້ເປັນເຈົ້າການຈັດຕັ້ງປະຕິບັດຢ່າງເຂັ້ມງວດ.

by somchan

ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫລວງວຽງຈັນ ທັງເປັນຫົວໜ້າຄະນະສະເພາະກິດເພື່ອປ້ອງກັນ, ຄວຍຄຸມ ແລະ ແກ້ໄຂການລະບາດພະຍາດໂຄວິດ-19 ຂັ້ນນະຄອນຫລວງວຽງຈັນ ໄດ້ລາຍງານໃຫ້ຮູ້ວ່າ: ພາຍຫລັງນາຍຍົກລັດຖະມົນຕີ ໄດ້ອອກຄຳສັ່ງເລກທີ 15/ນຍ ວ່າດ້ວຍການເພີ່ມທະວີມາດຕະການສະກັດກັ້ນ, ການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ 19 ໃນໄລຍະວັນທີ 22 ເມສາ ຫາ 5 ພຶດສະພາ 2021 ,ທາງຄະນະສະເພາະກິດ, ເພື່ອປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ຂັ້ນນະຄອນຫລວງວຽງຈັນ ກໍ່ໄດ້ເປັນເຈົ້າການຈັດຕັ້ງປະຕິບັດຢ່າງເຂັ້ມງວດ, ພ້ອມທັງໄດ້ຮັບການສະໜັບສະໜູນ, ແລະ ການຮ່ວມມືຈາກບັນດາອົງການຈັດຕັ້ງພັກ-ລັດ, ອົງການຈັດຕັ້ງສັງຄົມ, ບັນດາຫົວໜ່ວຍທຸລະກິດຕ່າງໆ ແລະ ປະຊາຊົນຊາວນະຄອນຫລວງວຽງຈັນເປັນຢ່າງດີ.

ໂດຍສະເພາະແມ່ນໄດ້ສຸມໃສ່ປຸກລະດົມປະຊາຊົນໄດ້ມີສະຕິລະວັງຕົວອາໃສຢູ່ໃຮເຮືອນຂອງຕົນເອງ ຫລີກລ້ຽງການເດີນທາງຖ້າບໍ່ຈຳເປັນ, ຮັກສາໄລຍະຫ່າງທາງສັງຄົມ, ປິດຊົ່ວຄາວບັນດາຮ້ານກິນດື່ມ,ຮ້ານບັນເທີງຕ່າງໆ ແລະ ອື່ນໆ ເຮັດໃຫ້ວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ນະຄອນຫລວງວຽງຈັນ ມີປະສິດທິຜົນພໍສົມຄວນ.

ເຖິງຢ່າງໃດກໍ່ຕາມ  ແຕ່ກໍ່ມີບາງຫົວໜ່ວຍທຸລະກິດ ໂດຍສະເພາະແມ່ນຮ້ານກິນດື່ມ, ຮ້ານບັນເທີງບາງແຫ່ງ ໄດ້ມີການລະເມີດຄຳສັ່ງເລກທີ 15/ນຍ ເຊິ່ງເຈົ້າໜ້າທີ່ໄດ້ກວດກາພົບເຫັນ ແລະ ກໍໄດ້ສຶກສາອົບຮົມເຮັດບົດບັນທຶກກ່າວເຕືອນ ແລະ ແກ້ໄຂຕາມລະບຽບການ

Off

Comments are closed.