10th May2021

ສ້າງສີ່ງກິດຂວາງໃນເສັ້ນທາງດ່ວນລາວ-ຈີນ

by somchan

ໃນວັນທີ 06 ພຶດສະພາ 2021 ເລາ 11 ໂມງ ກອງບັນຊາການ ປກສ ເມືອງນາຊາຍທອງ ນະຄອນຫຼວງຽງຈັນ ໄດ້ຮັບແຈ້ງຄວາມຈາກພົນລະເມືອງ ວ່າ: ມີຄົນເອົາເຊືອກ ແລະ ລວດເຫຼັກມັດໃສ່ເສົາຂອບທາງເນັ່ງລັດຂ້າມທາງ ແລະ ວາງເຫຼັກຕະປູຕາມຟື້ນຖະໜົນ ສ້າງເປັນສີ່ງກິດຂວາງ ໃນການສັນຈອນ, ພາຍຫຼັງໄດ້ຮັບແຈ້ງຄວາມ ເຈົ້າໜ້າທີ່ຈື່ງໄດ້ລົງກວດກາສະຖານທີ່ເກີດເຫດ ຈື່ງຮູ້ວ່າ: ມີເຫດການເກີດຂື້ນ ຕາມການແຈ້ງຄວາມຂອງພົນລະເມືອງແທ້ ສະນັ້ນ, ຈື່ງໄດ້ເກັບກຳຂໍ້ມູນຫຼັກຖານ ແລະ ສືບຄົ້ນຫາ, ສາມາດພົບຕົວຜູ້ກໍ່ເຫດ ຊື່ ທ້າວ ສຸພັນ ອາຍຸ 31 ປີ ຢູ່ບ້ານສົງເປືອຍ ເມືອງນາຊາຍທອງ ນະຄອນຫຼວງວຽງຈັນ ມາທຳການສອບສວນ ຜູ້ກ່ຽວກໍ່ໄດ້ຮັບສາລະພາບວ່າ:  ໃນເວລາປະມານ 3-4 ໂມງ ຂອງວັນທີ 06 ພຶດສະພາ 2021 ຕົນໄດ້ນຳເອົາຕະປູ, ເຊືອກ ແລະ ລວດເຫຼັກ ໄປມັດໃສ່ຕົ້ນເສົາຂອບທາງເນັ່ງລັດຂ້າມທາງດ່ວນລາວ-ຈີນ ຈຸດຊື່ເຂດບ້ານສົງເປືອຍຈຸດປະສົງເພື່ອສ້າງໃຫ້ເປັນສີ່ງກິດຂວາງໃນການສັນຈອນໄປ-ມາ  ແລະ ຕ້ອງການໃຫ້ເຈົ້າຂອງໂຄງການທາງດ່ວນລາວ-ຈີນ, ລົງມາແກ້ໄຂກ່ຽວກັບການສ້າງທາງດ່ວນ ຕັນທີ່ດິນຂອງຕົນ, ເຊີ່ງມັນສ້າງຄວາມຫຍຸງຍາກໃນການເຂົ້າ-ອອກ ຈື່ງນຳເອົາຕະປູ, ເຊືອກ ແລະ ລວດເຫຼັກ ໄປມັດໃສ່ຕົ້ນເສົາຢູ່ຂອບທາງເນັ່ງລັດຂ້າມທາງດ່ວນລາວ-ຈີນແທ້.

ປັດຈຸບັນ ເຈົ້າໜ້າທີ່ພວມສືບຕໍ່ທຳການສືບສວນ-ສອບສວນ ແລະ ເກັບກຳຂໍ້ມູນຕ່າງໆ ເພື່ອນຳເອົາບັນຫາດັ່ງກ່າວ ເຂົ້າສູ່ຂະບວນການຍຸດຕິທຳ ແລະ ເພື່ອເຮັດໃຫ້ການແກ້ໄຂບັນຫາມີຄວາມໂປ່ງໃສ, ຍຸດຕິທຳ ແລະ ຮັບປະກັນ ການປົກປ້ອງ ສິດ, ຜົນປະໂຫຍດອັນຊອບທຳຂອງທັງສອງຝ່າຍ ຕາມລັດຖະທຳມະນູນ ແລະ ກົດໝາຍ

Off

Comments are closed.