11th May2021

ກະຊວງ ປກສ ຮັບເງິນຊ່ວຍເຫຼືອ 500 ລ້ານກີບ ເພື່ອນຳໃຊ້ເຂົ້າໃນວຽກງານຕ້ານພະຍາດໂຄວິດ-19

by somchan

ໃນວັນທີ 11 ພຶດສະພາ 2021 ນີ້ ທ່ານ ເວີຍຊຽນຈາງ ຕາງຫນ້າບໍລິສັດ ວາບປ໌ດາຕາ ເຕັກໂນໂລຊີ ຈຳກັດຜູ້ດຽວ ໄດ້ມອບເງີນ ຈຳນວນ 500 ລ້ານກີບ ໃຫ້ກະຊວງ ປ້ອງກັນຄວາມສະຫງົບ ເພື່ອນຳໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນ ການເຂົ້າເມືອງແບບຜິດກົດຫມາຍ ແລະເພື່ອປ້ອງກັນການແຜ່ລະບາດຂອງພະຍາດໂຄວິດ 19 ເປັນກຽດຮັບໂດຍ ພົທ ວິໄລ ຫລ້າຄຳຟອງ ລັດຖະມົນຕີກະຊວງ ປ້ອງກັນຄວາມສະຫງົບ, ໂດຍຊອງໜ້າພະນັກງານທີ່ກ່ຽວຂ້ອງທັງສອງຝ່າຍ.

ໂອກາດນີ້ ພົທ ວິໄລ ຫລ້າຄຳຟອງ ລັດຖະມົນຕີກະຊວງ ປ້ອງກັນຄວາມສະຫງົບ ກໍ່ໄດ້ສະແດງຄວາມຂອບໃຈຕໍ່ທ່ານ ເວີຍຊຽນຈາງ ຕາງຫນ້າບໍລິສັດ ວາບປ໌ດາຕາ ເຕັກໂນໂລຊີ ຈຳກັດຜູ້ດຽວ ທີ່ເຫັນໄດ້ຄວາມສຳຄັນຕໍ່ວຽກງານຂອງກຳລັງ ປກສ ການຊ່ວຍເຫລືອໃນຄັ້ງນີ້ເປັນການປະກອບສ່ວນອັນສຳຄັນເຂົ້າໃນວຽກງານວິຊາສະເພາະຂອງກຳລັງ ເງີນຈຳນວນດັ່ງກ່າວ ກະຊວງ ປກສ ຈະໄດ້ຫມູນໄຊ້ເຂົ້າໃນວຽກງານລວມໃຫ້ເກີດປະໂຫຍດສູງສຸດ ເປັນຕົ້ນ ຈັດຊື້ອຸປະກອນໃຫ້ກຳລັງວິຊາສະເພາະທີ່ປະຕິບັດຫນ້າທີ່ຢູ່ດ່ານຊາຍແດນ ແລະ ຫນ້າກາກອານາໄມ ແຈວລ້າງມືງ ແລະ ເຄື່ອງອື່ນໆ ແຈກຢາຍໃຫ້ອ້າຍນ້ອງໃນກຳລັງ ປກສ ໃຫ້ທົ່ວເຖີງ

ໂອກາດນີ້ ພົທ ວິໄລ ຫລ້າຄຳຟອງ ລັດຖະມົນຕີກະຊວງ ປ້ອງກັນຄວາມສະຫງົບ ກໍ່ໄດ້ ອວຍພອນໄຊ ມາຍັງທ່ານ ເວີຍຊຽນຈາງ ຕາງຫນ້າບໍລິສັດ ວາບປ໌ດາຕາ ເຕັກໂນໂລຊີ ຈຳກັດຜູ້ດຽວ ຈົ່ງປະສົບຜົນສຳເລັດໃນການດຳເນີນທຸລະກິດຢູ່ລາວ ສືບຕໍ່ປະຕິບັດລະບຽບກົດຫມາຍຂອງ ສປປລາວ ຢ່າງເຂັ້ມງວດ.

ແລະ ໃນວັນດຽວກັນ, ທ່ານ ຫວັງຈ້ຽນ ປະທານບໍລິສັດ Advice w & w computer ຂາອອກ – ຂາເຂົ້າຜູ້ດຽວຈຳກັດ ພ້ອມດ້ວຍຄະນະ ໄດ້ມອບເງິນ ຈຳນວນ 50 ລ້ານກີບ ແລະ ທ່ານ ເລັ່ງສະຫວັນ ຕາງຫນ້າໃຫ້ ສະມາຄົມຊາວຈີນພົ້ນທະເລ ພ້ອມດ້ວຍ ຄະນະ ໄດ້ມອບເງີນ 30 ລ້ານກີບ ລວມມູນຄ່າທັງຫມົດ 80 ລ້ານກີບ ໃຫ້ກະຊວງ ປກສ ເພື່ອນຳໄຊ້ເຂົ້າໃນວຽກງານ ຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ 19 ເປັນກຽດຮັບໂດຍ ພຈົວ ສຸວັນນີ ສີສຸພາບມີໄຊ  ຮອງຫົວຫນ້າກົມໃຫຍ່ການເມືອງ ປກສ ມີບັນດາຄະນະພັກຄະນະບັນຊາ ເຂົ້າຮ່ວມ.

Off

Comments are closed.