14th May2021

ຫົວໜ້າກອງບັນຊາການ ປກສ ແຂວງສະຫວັນນະເຂດ ລົງກວດກາຊຸກຍູ້ການເຝົ້າລະວັງພະຍາດໂຄວິດ-19 ຢູ່ຄ້າຍຄຸມຂັງ-ດັດສ້າງແກ້ງຄັນ

by somchan

ໃນວັນທີ 12 ພຶດສະພາ 2021 ນີ້ , ພັອ ສົມໝາຍ ພົມມະຈັນ ຫົວໜາກອງບັນຊາການ ປກສ ແຂວງສະຫວັນນະເຂດພ້ອມຄະນະ,ໄດ້ລົງເຄື່ອນໄຫວກວດກາຊຸກຍູ້ຊີ້ນຳວຽກງານ ການເຝົ່າລະວັງພະຍາດໂຄວິດ-19 ຢູ່ຄ້າຍຄຸມຂັງ-ດັດສ້າງແກ້ງຄັນ ເມືອງເຊໂປນ, ມີຄະນະຄ້າຍຄຸມຂັງ-ດັດສ້າງແກ້ງຄັນ, ຄະນະພະແນກ ແລະ ພະນັກງານວິຊາສະເພາະໃນຄ້າຍເຂົ້າຮ່ວມ.

 

 

ໃນພິທີໄດ້ຮັບຟັງການລາຍງານສະພາບລວມໂດຍຫຍໍ້ ຂອງ ຫົວໜ້າຄ້າຍຄຸມຂັງ-ດັດສ້າງແກ້ງຄັນ, ໃນການປະຕິບັດໜ້າທີ່ວຽກງານສະກັດກັ້ນ ແລະ ຕ້ານການແຜ່ລະບາດຂອງເຊື້ອພະຍາດໂຄວິດ-19ໃນຄັ້ງນີ້,ໂດຍປະຕິບັດຕາມຄຳສັ່ງຂອງນາຍົກລັດຖະມົນຕີ,ແຈ້ງການຂອງຄະນະສະເພາະກິດຂັ້ນແຂວງ ແລະ ຄະນະສະເພາະກິດຂັ້ນເມືອງ , ເພື່ອຄວບຄຸມ ແລະ ເຝົ້າລະວັງໂລກລະບາດພະຍາດໂຄວິດ-19 ຢູ່ຄ້າຍຄຸມຂັງ-ດັດສ້າງແກ້ງຄັນຢ່າງເຂັ້ມງວດ, ພ້ອມທັງສຶກສາອົບຮົບນັກໂທດ ແລະ ຜູ້ຖືກດັດສ້າງໃຫ້ມີຄວາມເປັນລະບຽບຮຽບຮ້ອຍໄດ້ເປັນຢ່າງດີ ໂດຍໄດ້ຈັດຕັ້ງການປະຈຳການປ້ອງກັນເວນຍາມຢູ່ຕາມຈຸດປ້ອມຍາມຕະຫຼອດ 24 ຊົ່ວໂມງ, ນອກຈາກນັ້ນ, ຍັງນໍາພາອອກແຮງງານທຳການຜະລິດ, ປຸກຜັງ-ລ້ຽງສັດ, ຝຶກອາຊີບ ເປັນຕົນແມ່ນ, ການລ້ຽງໄກ່, ຜະລິດດິນບ໋ອກ, ເຮັດອ່າງລ້ຽງປາດຸກພັນ,ປູກມັນຕົ້ນ,ເຮັດຜົມທຽມ ແລະ ອື່ນໆ, ເພື່ອສ້າງລາຍຮັບ, ເຂົ້າໃນຄ້າຍດັ່ງກ່າວໃຫ້ມີລາຍໄດ້ເພີມຂຶ້ນເລື້ອຍໆ.

 

 

ໂອກາດດັ່ງກ່າວ ຫົວໜ້າ ກອງບັນຊາການ ປກສ ແຂວງຍັງນຳເອົາເຄື່ອງອຸປະກອນການແພດຈຳນວນໜຶ່ງ,ໄປມອບໃຫ້ ກອງບັນຊາການ ປກສ ເມືອງ ພະລານໄຊ ແຂວງສະຫວັນນະເຂດ,ອຸປະກອນທີ່ນຳມາມອບໃນຄັ້ງນີ້,ມີ ຖົງມືຢາງ ຈຳນວນ 2 ກັບ, ຜ້າປິດປາກ 10 ກັບ,ເຈວລ້າງມື 5 ກ່ອງ ແລະ ເຄື່ອງວັດແທກອຸຫະພູມ 1 ອັນ, ກ່າວມອບຂອງ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງພ້ອມຄະນະ ແລະ ກ່າວຮັບໂດຍ ພັທ ສົມໝາຍ ເຍົາວະລາດ ຫົວໜ້າກອງບັນຊາການ ປກສ ເມືອງພະລານໄຊ ,

ຂ່າວຍັງຮູ້ຕື່ມອີກວ່າ: ທ້າຍອາທິດທີຜ່ານມາ: ໃນແຂວງສະຫວັນນະເຂດຢູ່ບັນດາຈຸດກວດກາລະຫວ່າງເມືອງ ຕໍ່ ເມືອງ,ບ້ານຕໍ່ບ້ານຍັງໄດ້ເອົາໃຈໃສ່ສຶບຕໍ່ເພີ່ມທະວີການເຜົ້າລະວັງເຊື້ອພະຍາດໂຄວິດ19 ເປັນຕົ້ນຈຸດກວດກາ ບ້ານດົງມົດ ທີ່ຂຶ້ນກັບກຸ່ມບ້ານທີ່ 10, ເມືອງຊົນນະບູລີ, ຈຸດກວດກາບ້ານໂນນມີໄຊ ທາງເຂົ້າ-ອອກລະຫວ່າງເມືອງພະລານໄຊ ກັບ ເມືອງພີນ,ຈຸດກວດກາບ້ານ ຫຼ່ຽນໄຊ ເຂົ້້າ-ອອກລະຫວ່າງເມືອງ ອາດສະພັງທອງກັບ ເມືອງ ພະລານໄຊ, ຈຸດກວດກາ ບ້ານ ດອນປ່າໄລ່ ແລະ ຈຸດກວດກາ ບ້ານ ໜອງບົວທອງ ເມືອງອຸທຸມພອນ, ກຳລັງ ປກຊ, ປກສ ແລະ ປກຊບ້ານ,

ຍັງໄດ້ປະຕິບັດມາດຕະການຕ່າງໆ ຢ່າງເຂັ້ມງວດ,ໃນການກວດກາ,ການໄປມາຂອງບຸກຄົນທີ່ເດີນທາງ, ມີການແນະນໍາການໃສ່ຜ້າປິດປາກ, ຮັກສາໄລຍະຫ່າງ, ກວດກາວັດແທກອຸນະພູມ, ເພື່ອກວດຫາເຊື້ອ ຂອງຄະນະສະເພາະກິດໃນແຕ່ລະຈຸດ.

 

Off

Comments are closed.