03rd Oct2013

ທ່ານ ດຣ ທອງບັນ ແສງອາພອນເດີນທາງ ສູ່ນະຄອນຫຼວງຮ່າໂນ້ຍເພື່ອປະດັບຫຼຽນ ໄຊແຮງງານໃຫ້ພະນັກງານກົມໃຫຍ່ V

by somchan

ໃນວັນທີ 30 ກັນຍາ 2013 ,ທ່ານ ດຣ ທອງບັນ ແສງອາພອນ ເລຂາທິການສູນກາງພັກລັດຖະມົນຕີ ວ່າການກະຊວງປກສ ພ້ອມດ້ວຍຄະນະໄດ້ເດີນທາງ ຈາກນະຄອນຫຼວງວຽງຈັນສປປລາວ ສູ່ນະຄອນ ຫຼວງຮ່າໂນ້ຍ ສສ ຫວຽດນາມເພື່ອຕ່າງໜ້າ ໃຫ້ລັດຖະບານລາວປະດັບຫຼຽນໄຊແຮງງານ ໃຫ້ແກ່ຄະນະນຳ ແລະ ພະນັກງານກົມໃຫຍ່ V ກະຊວງຕຳຫຼວດ ສສ ຫວຽດນາມ ທີ່ມີຜົນງານແລະ ຄຸນງາມຄວາມດີ ປະກອບສ່ວນເຂົ້າໃນວຽກງານປ້ອງຄວາມສະຫງົບ ຂອງກະຊວງ ປກສ ລາວ ຕະຫຼອດໄລຍະຜ່ານມາ.

ພິທີດັ່ງກ່າວໄດ້ຈັດຂຶ້ນໃນວັນທີ 1 ຕຸລານີ້ ທີ່ນະຄອນຮ່າໂນ້ຍ ເຊິ່ງທ່ານ ດຣ ທອງບັນ ແສງອາພອນ ໄດ້ເປັນກຽດປະດັບຫຼຽນໃຫ້ແກ່ຄະນະນຳ ແລະ ພະນັກງານກົມໃຫຍ່ V ກະຊວງຕຳຫຼວດ ສສຫວຽດນາມ 16 ສະຫາຍ, ໃນນີ້ຫຼຽນໄຊແຮງງານຊັ້ນ II: 5 ສະຫາຍ, ຫຼຽນໄຊແຮງງານຊັ້ນ III: 11 ສະຫາຍ ທັງນີ້ກໍ່ເພື່ອຈາລຶກບຸນຄຸນຕໍ່ພະນັກງານທີ່ມີຜົນງານ ຄຸນງານຄວາມດີປະກອບສ່ວນເຫຼືອແຮງ ແລະ ສະຕິປັນຍາເຂົ້າໃນວຽກງານປ້ອງກັນຄວາມສະຫງົບຂອງກະຊວງປ້ອງກັນຄວາມສະຫງົບລາວ ອັນເປັນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມເວົ້າລວມ, ເວົ້າສະເພາະແມ່ນສອງກຳລັງປ້ອງກັນຄວາມສະຫງົບລາວ ແລະ ຫວຽດນາມໃຫ້ມີການຮ່ວມມືດ້ານວິຊາສະເພາະນັບມື້ຮັດແໜ້ນຍິ່ງຂຶ້ນ.

ໂອກາດນີ້ທ່ານ ດຣ ທອງບັນ ແສງອາພອນ ໄດ້ຕ່າງໜ້າໃຫ້ລັດຖະບານລາວ ຄະນະນຳກຳຊວງປ້ອງກັນຄວາມສະຫງົບ ພະນັກງານ-ນັກຮົບ ທົ່ວກຳລັງປ້ອງກັນຄວາມສະຫງົບປະຊາຊົນລາວສະແດງຄວາມຮູ້ບຸນຄຸນອັນລົ້ນເຫຼືອ ແລະ ຂອບໃຈຕໍ່ພັກ-ລັດ ແລະ ປະຊາຊົນຫວຽດນາມເວົ້າລວມ ເວົ້າສະເພາະຕໍ່ຄະນະນຳກະຊວງ, ພະນັກງານ-ນັກຮົບທົ່ວກຳລັງຕຳຫຼວດປະຊາຊົນຫວຽດນາມຫວຽດນາມ ທີ່ໄດ້ໃຫ້ການອຸ້ມຊູຊ່ວຍເຫຼືອແກ່ກະຊວງປ້ອງກັນຄວາມສະຫງົບລາວຕະຫຼອດມາ ແລະ ຫວັງຢ່າງຍິ່ງວ່າຈະໄດ້ຮັບການສະໜັບສະໜູນກ່ຽວກັບວຽກງານປ້ອງກັນຄວາມສະຫງົບຕະຫຼອດໄປ.

Off

Comments are closed.