01st Jun2021

ການນຳກະຊວງ ປກສ ປູກຕົ້ນໄມ້ ເນືອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ

by somchan

ຕອນເຊົ້າວັນທີ 1 ມີຖຸນາ 2021 ນີ້ ກະຊວງປ້ອງກັນຄວາມສະຫງົບ ໄດ້ຈັດກິດຈະກຳປູກຕົ້ນໄມ້ ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດທີໝູນວຽນມາຮອດອີກວາລະໜື່ງ ພິທີໄດ້ຈັດຂື້ນຢູ່ທີ່ສູນຝືກອົບຮົມ ກົມໃຫ່ຍການເມືອງປ້ອງກັນຄວາມສະຫງົບ ມີບັນດາທ່ານຮອງລັດຖະມົນຕີ ຫົວໜ້າກົມໃຫ່ຍຫ້ອງວ່າການ ກະຊວງ ແລະ 14 ກົມກອງ ອ້ອມຂ້າງກະຊວງເຂົ້າຮ່ວມ.

ຕົ້ນໄມ້ທີ່ນຳມາປູກໃນຄັ້ງນີ້ ມີໄມ້ແຕັຄ່າ ໄມ້ດູ່ ໄມ້ປະດັບ ທັງນີ້ກໍ່ເພື່ອເປັນການປົກປັກຮັກສາ ແລະ ຝື້ນຟູປ່າໄມ້ ໃຫ້ມີຄວາມອຸດົມສົມບູນ ເພື່ອຕອບສະໜອງຄວາມຮຽກຮ້ອງຕ້ອງການ ວັດຖຸດິບດ້ານໄມ້ ແລະ ຜົນຜະລິດປ່າໄມ້ໃຫ້ໄດ້ຢ່າງຍາວນານ ພ້ອມທັງເປັນການປົກປັກຮັກສາສິງແວດລ້ອມຕາມທິດສີຂຽວ ແລະ ຢືນຍົງ

ພ້ອມນີ້ 3 ອົງການຈັດຕັ້ງມະຫາຊົນ ຊາວໝຸ່ມ ແລະ ກຳມະບານ ກະຊວງ ປກສ ກໍ່ຍັງໄດ້ຈັດກິດຈະກຳປ່ອຍປາ ລົງໜອງຢູ່ທີສູນດັ່ງກ່າວ ເພື່ອເປັນການຂຳນັບຊົມເຊີຍ ໃນວັນສຳຄັນນີ້ຕື່ມອີກ.

Off

Comments are closed.