04th Jun2021

ເຈົ້າແຂວງ ໄຊຍະບູລີ ພ້ອມຄະນະໄດ້ລົງຕິດຕາມກວດກາ ໂຄງການກໍ່ສ້າງເຄື່ອນໄຟ້າພະລັງງານນ້ຳຮຸ່ງ 1

by somchan

ໃນວັນທີ 3 ມິຖຸນາ ນີ້ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມຄະນະ ໄດ້ລົງ ຕິດຕາມ, ກວດກາ ໂຄງການກໍ່ສ້າງເຂື່ອນໄຟຟ້າພະລັງງານນ້ໍາ-ນ້ໍາຮຸ່ງ 1, ໂດຍມີ ທ່ານ ຄໍາເຫຼັກ ແກ້ວວິໄລ ພອນ ຫົວຫນ້າພະແນກພະລັງງານ ແລະ ບໍ່ແຮ່ແຂວງ ແລະ ພະນັກງານວິຊາການພາກສະຫນາມໃຫ້ການ ຕ້ອນຮັບ, ພ້ອມທັງໄດ້ຮັບຟັງການລາຍງານຄວາມຄືບຫນ້າຂອງໂຄງການຈາກວິຊາການພາກສະຫນາມ, ໂຄງການກໍ່ສ້າງເຂື່ອນໄຟຟ້າພະລັງງານນ້ໍາ-ນ້ໍາຮຸ່ງ 1 ແຂວງໄຊຍະບູລີ ຄື: ໂຄງການກໍ່ສ້າງເຂື່ອນໄຟຟ້າ ພະລັງງານນ້ໍາ-ນ້ໍາຮຸ່ງ 1 ແຂວງໄຊຍະບູລີ ຕັ້ງຢູ່ຫ່າງຈາກຕົວເມືອງ ໄຊຍະບູລີ ປະມານ 30 ກິໂລແມັດ ແລະ ຫ່າງຈາກແມ່ນ້ໍາຂອງ 5 ກິໂລແມັດ, ເປັນໂຄງການເຂື່ອນໄຟຟ້າຂະຫນາດນ້ອຍ, ມີກໍາລັງຕິດຕັ້ງ 15 ເມກາວັດ, ໃນມູນຄ່າການກໍ່ສ້າງທັງຫມົດ 34,744,800 ໂດລາ, ມີກໍາລັງຜະລິດໄຟຟ້າ 71,767,500 ກີໂລວັດໂມງ/ປີ, ໄດ້ເລີ່ມລົງມືກໍ່ສ້າງມາແຕ່ປີ 2015 ປະຈຸບັນສໍາເລັດແລ້ວ 80,96 %, ຄາດວ່າການ ກໍສ້າງຈະໃຫ້ສໍາເລັດ ແລະ ຊື້-ຂາຍໄຟຟ້າຢ່າງເປັນທາງການແມ່ນທ້າຍປີ 2021 ແລະ ເຊື່ອມຕໍ່ເຂົ້າໃນ ລະບົບຕາຂ່າຍ 22 ກິໂລໂວນ ຈາກເຂື່ອນນ້ໍາຮຸ່ງ 1 ຫາສະຖານີໄຟຟ້າ ໄຊຍະບູລີ ບ້ານທ່ານາ ມີຄວາມ ຍາວ 32 ກິໂລແມັດ, ລັກສະນະຂອງເຂື່ອນເປັນເຂື່ອນນ້ໍາໄຫຼໂດຍສະເລ່ຍການໄຫຼຂອງນ້ໍາແມ່ນ 4.431 ແມັດກ້ອນ ຕໍ່ວິນາທີ, ມີບານປະຕູລະບາຍນ້ໍາ 5 ປ່ອງ, ປະຕູ ເປີດ-ປິດດ້ວຍລະບົບໄຮໂດລິກ. ມີເນື້ອທີ່ອ່າງໂຕ່ງນ້ໍາຝົນ 2.915 ກິໂລຕາແມັດ, ຮັບສໍາປະທານໂດຍບໍລິສັດ ສີເມືອງກູບ ຈໍາກັດ ແລະ ຮັບຜິດຊອບໃນການກໍ່ສ້າງຕິດຕັ້ງ-ຄຸ້ມຄອງໂດຍບໍລິສັດ ນໍາຮຸ່ງ 1 ໄຮໂດູພາວເວີ ຈໍາກັດ, ໂດຍແມ່ນ ການລົງທຶນຂອງເອກະຊົນ 100 %, ໄລຍະສໍາປະທານໂຄງການແມ່ນ 30 ປີ, ດ້ານການຄຸ້ມຄອງຄຸນ ນະພາບ ທາງບໍລິສັດໄດ້ເອົາໃຈໃສ່ປະຕິບັດຕາມເຕັກນິກການກໍ່ສ້າງ ທຸກຢ່າງແມ່ນມີການກວດສອບ ທຸກຂັ້ນຕອນຂອງການປະຕິບັດຫນ້າວຽກ, ນອກນັ້ນ ຍັງມີຫ້ອງທົດລອງປະຈໍາສະຫນາມ ແລະ ວິຊາການ ທີ່ປຶກສາຄອຍເອົາໃຈໃສ່ຕິດຕາມວຽກຫນ້າສະຫນາມ, ນໍາໃຊ້ວັດສະດຸການກໍ່ສ້າງທີ່ໄດ້ມາດຕະຖານ ແລະ ອື່ນໆ.

ໃນໂອກາດດັ່ງກ່າວ ທ່ານເຈົ້າແຂວງໄຊຍະບູລີ ກໍໄດ້ຮຽກຮ້ອງໃຫ້ທຸກພາກສ່ວນທີ່ກ່ຽວຂ້ອງເອົາ ໃຈໃສ່ປະຕິບັດຫນ້າທີ່ດ້ວຍຄວາມຮັບຜິດຊອບສູງ ເຊັ່ນ: ການກວດກາຄຸນນະພາບຂອງວັດສະດການກ່. ສ້າງ, ກວດກາເຕັກນິກການປະຕິບັດແຕ່ລະຫນ້າວຽກ ແລະ ອື່ນໆ ເພື່ອຮັບປະກັນທາງດ້ານຄຸນນະພາບ. ຫຼີກລ້ຽງບັນຫາທີ່ຈະສົ່ງຜົນກະທົບດ້ານຄວາມປອດໄພ ແລະ ສ້າງຄວາມເສຍຫາຍ ຕໍ່ປະເທດຊາດ ແລະ ສັງຄົມ.

 

Off

Comments are closed.