04th Jun2021

ກອງພັນ 419 ທະຫານເມືອງໄຊຍະບູລີ ເຊື່ອມຊຶມມະຕິ XIຂອງພັກໃຫ້ສະມາຊິກພັກ, ພະນັກ ງານຫຼັກແຫຼ່ງ

by somchan

ກອງພັນ 149 ທະຫານ ແຂວງ ໄຊຍະບູລີ ໄດ້ຈັດຕັ້ງເຜີຍແຜ່ເຊື່ອມຊຶມ ແລະ ຜັນຂະ ຫຍາຍ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກໃຫ້ສະມາຊິກພັກ, ພະນັກງານ ຫຼັກແຫຼ່ງໃນວັນທີ 1 ມີຖຸນາ 2021 ນີ້, ໂດຍການເປັນກຽດເຂົ້າຮ່ວມ ເຜີຍແຜ່ ຂອງສະຫາຍ ພັນເອກ ໄວຍາກອນ ເພັດສະລາດ ຄະນະພັກກອງບັນຊາການ ຫົວຫນ້າຫ້ອງເສນາທິການກອງບັນຊາການທະຫານແຂວງໄຊຍະບູລີ ມີຄະນະພັກ-ຄະນະບັນຊາ ກອງພັກ, ກອງຮ້ອຍທີ່ຂຶ້ນກັບພະນັກງານຫຼັກແຫຼ່ງເຂົ້າຮ່ວມ.

ເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້ ປະກອບມີ ເອກະສານຜັນຂະຫຍາຍມະຕິ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ເອກະສານມະຕິກອງປະຊຸມໃຫຍ່ຄັ້ງທີ 7 VII ຂອງອົງຄະນະພັກແຂວງໄຊຍະບູລີ, ເອກະສານການເພີ່ມທະວີການຊີ້ນໍາວຽກງານການເມືອງແນວຄິດໃນການສະກັດກັ້ນ, ປ້ອງກັນ, ຄວບ ແລະ ແກ້ໄຂພະຍາດໂຄວິດ-19 ສະບັບເລກທີ16/ ຄອສພ, ລົງວັນທີ 11/05/2021, ເອກະສານກ່ຽວກັນແຜນພັດທະນາເສດຖະກິດ-ສັງຄົມແຫ່ງ ຊາດ 5 ປີ ຄັ້ງທີ IX, ແຜນພັດທະນາເສດຖະກິດ-ສັງຄົມຂອງແຂວງ ຄັ້ງທີ VII, ເອກະສານກ່ຽວ ກັບການປັບປຸງດັດແປງກົດລະບຽບຂອງພັກປະຊາຊົນປະຕິວັດລາວ ສະໄຫມທີ XI. ຈຸດປະສົງຂອງ ການເຜີຍແຜ່ເຊື່ອມຊຶມໃນຄັ້ງນີ້ກໍເພື່ອເຮັດໃຫ້ສະມາຊິກພັກ-ພະນັກງານຫຼັກແຫຼ່ງໄດ້ຮັບຮູ້ ແລະ ເຂົ້າໃຈຕໍ່ກັບເນື້ອໃນ ແລະ ຄາດຫມາຍຂອງແຕ່ລະກອງປະຊຸມ, ແຜ່ນພັດທະນາເສດຖະກິດແຕ່ລະ ຄັ້ງເພື່ອພ້ອມກັນນໍາເອົາເນື້ອໃນຈິດໃຈຂອງກອງປະຊຸມ ແລະ ມະຕິຕ່າງໆທີ່ສູນກາງ ແລະ ແຂວງ ວາງອອກໄປຈັດຕັ້ງຜັນຂະຫຍາຍເຂົ້າສູ່ລວງເລິກ ແລະໄດ້ຮັບຜົນດີ.

 

Off

Comments are closed.