05th Jun2021

ບໍລິສັດ ທີ່ປຶກສາ ພຣີມ້ຽມພາວເວີ້ ຈໍາກັດ ມອບເຄື່ອງຊ່ວຍເຫຼືອ ລວມມູນຄ່າເກືອບ 10 ລ້ານກີບ

by somchan

ໃນວັນທີ 4 ມິຖຸນາ 2021, ຢູ່ຫ້ອງປະຊຸມ ກອງບັນຊາການ ປກສ ນະຄອນຫຼວງວຽງຈັນ ທ່ານ ອະທິລາດ ໄຊຍະທິບ ປະທານບໍລິສັດ ທີ່ປຶກສາ ພຣີມ້ຽມພາວເວີ້ ຈໍາກັດ ໄດ້ມອບເຄື່ອງຊ່ວຍເຫຼືອ, ອຸປະກອນຮັບໃຊ້ໃນວຽກງານປ້ອງກັນຄວາມສະຫງົບ ເຊິ່ງປະກອບມີ: ໂທລະພາບສີ 2 ໜ່ວຍ ແລະ ເງິນສົດ 4 ລ້ານກີບ ລວມມູນຄ່າທັງໝົດ ເກືອບ 10 ລ້ານກີບ ເພື່ອປະກອບສ່ວນຊຸກຍູ້ໃຫ້ ກໍາລັງ ປກສ ນະຄອນຫຼວງວຽງຈັນ. ຕາງໜ້າກ່າວຮັບໂດຍ ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນວ ພ້ອມດ້ວຍຄະນະ.

ການຊຸກຍູ້ຊ່ວຍເຫຼືອໃນຄັ້ງນີ້, ພັອ ສຸກພະຈັນ ບຸດດາຄໍາ ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈ ຕໍ່ບໍລິສັດ ທີ່ປຶກສາ ພຣີມ້ຽມພາວເວີ້ ຈໍາກັດ ທີ່ເຫັນໄດ້ຄວາມໝາຍ-ຄວາມສໍາຄັນ ຂອງວຽກງານປ້ອງກັນຄວາມສະຫງົບ ແລະ ຈະນໍາໃຊ້ເຄື່ອງດັ່ງກ່າວ ເຂົ້າໃນວຽກງານວິຊາສະເພາະ ເພື່ອເຮັດໃຫ້ມີຄວາມສະດວກ-ວ່ອງໄວ ແລະ ຄຸນນະພາບຂຶ້ນອີກບາດກ້າວໜຶ່ງ. ພ້ອມດຽວກັນ, ກໍໄດ້ມອບໃບຍ້ອງຍໍໃຫ້ບໍລິສັດ ທີ່ປຶກສາ ພຣີມ້ຽມພາວເວີ້ ຈໍາກັດ ເພື່ອສະແດງຄວາມຮູ້ບຸນຄຸນ ຕໍ່ບໍລິສັດທີ່ໄດ້ເສຍສະຫຼະວັດຖຸ, ປັດໄຈປະກອບສ່ວນເຂົ້າໃນວຽກງານປ້ອງກັນຄວາມສະຫງົບໃນຄັ້ງນີ້.

Off

Comments are closed.