06th Jun2021

ຄະນະສະເພາະກິດແຂວງ ບໍ່ແກ້ວ ມອບໃບຍ້ອງຍໍ ໃຫ້ພາກສ່ວນຕ່າງໆ ທີ່ປະກອບສ່ວນຊ່ວຍຕ້ານໂຄວິດ -19

by somchan

ວັນທີ 3 ມິຖຸນາ 2021 ນີ້, ຄະນະສະເພາະກິດແຂວງບໍ່ແກ້ວ ໄດ້ມອມໃບຍ້ອງຍໍຂອງທ່ານເຈົ້າແຂວງ ໃຫ້ພາກສ່ວນຕ່າງໆທັງພາກລັດ ແລະ ເອກະຊົນ ທີ່ປະກອບສ່ວນທຶນຮອນ ເຂົ້າໃນວຽກງານປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດໂຄວິດ-19. ທັງນີ້ ກໍເພື່ອລະນຶກຄຸນງາມຄວາມດີຕໍ່ກົມກອງ, ບຸກຄົນທີ່ສະໜັບສະໜູນຊ່ວຍເຫລືອໄລຍະແຂວງ ພົບວິກິດດັ່ງກ່າວ.

 

ໃນພີທີຄັ້ງນີ້, ທ່ານ ຄໍາຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ, ຫົວໜ້າຄະນະສະເພາະກິດເພື່ອປ້ອງກັນ, ຄອບຄຸມ ແລະ ສະກັດກັ້ນການລະບາດຂອງພະຍາດໂຄວິດ-19 ຂັ້ນແຂວງ ໄດ້ມອບໃບຍ້ອງຍໍ ໃຫ້ຫ້ອງການຮາກຖານການເມືອງ, ລັດວິສາຫະກິດ ອີທີເອວ(ETL) ສາຂາແຂວງບໍ່ແກ້ວ, ພະແນກອຸດສາຫະກໍາ ແລະ ການຄ້າແຂວງ, ພະແນກສ່ວຍສາອາກອນແຂວງ, ລັດວິສາຫະກິດໄຟຟ້າລາວ ສາຂາແຂວງບໍ່ແກ້ວ ແລະ ບໍລິສັດວາງໄຊເຫລັກກ້າ, ພ້ອມທັງສະແດງຄວາມຮູ້ບັນຄຸນມາຍັງທຸກພາກສ່ວນທັງພາກລັດ ແລະ ເອກະຊົນ ທີ່ປະກອບສ່ວນດ້ານທຶນຮອນເຂົ້າໃນວຽກງານຄວບຄຸມ, ປ້ອງກັນ ແລະ ສະກັດກັ້ນການປ້ອງກັນພະຍາດໂຄວິດ-19

Off

Comments are closed.