06th Jun2021

ສະຖານີ 1191 ໄຊສົມບູນ ເມືອງໄຊທານີ ນະຄອນຫຼວງວຽງບຈັນ ສຶກສາອົບຮົມຜູ້ລະເມີດຄຳສັ່ງ, ແຈ້ງການ ແລະ ມົ້ວສຸມຫຼິ້ນການພະນັນທີ່ຕ້ອງຫ້າມ

by somchan

ວັນທີ 02 ມິຖຸນາ 2021, ສະຖານີ 1191 ໄຊສົມບູນ ສົມທົບກັບອຳນາດການປົກຄອງບ້ານໄຊສົມບູນ ເມືອງໄຊທານີ ນະຄອນຫຼວງວຽງຈັນ ໄດ້ລົງແກ້ໄຂສະພາບການມົ້ວສຸມຫຼີ້ນການພະນັນ(ຫຼີ້ນໄພ້) ຂອງປະຊາຊົນຢູ່ເຂດບ້ານດັ່ງກ່າວ, ຜ່ານການຕິດຕາມກວດກາຕົວຈິງ ພົບເຫັນການມົ້ວສຸມຫຼິ້ນໄພ້ ຢູ່ເຮືອນຂອງນາງຕ່າຍ, ໜ່ວຍ 15 ບ້ານໄຊສົມບູນ, ທັງໝົດ 10 ຄົນ, ຍິງ 7 ຄົນ, 6 ຄົນແມ່ນປະຊາຊົນບ້ານໄຊສົມບູນ,  ແລະ ອີກ 4 ຄົນແມ່ນປະຊາຊົນບ້ານໂນນແສງຈັນ.

ໃນໂອກາດນີ້ທາງເຈົ້າໜ້າທີ ແລະ ອຳນາດການປົກຄອງບ້ານໄດ້ສຶກສາອົບຮົມກ່າວເຕືອນ, ເຮັດບົດບັນທຶກ, ອະທິບາຍໃຫ້ກຸ່ມຄົນດັ່ງກ່າວ ມີຄວາມຮັບຮູ້ເຂົ້າໃຈ ແລະ ໃຫ້ກັກຕົວຢູ່ໃນເຮືອນຕົນເອງ ເປັນເວລາ 14 ວັນ, ຕໍ່ການກະທຳດັ່ງກ່າວ ແມ່ນເປັນການລະເມີດຄຳສັ່ງ ເລກທີ 15/ນຍ, ແຈ້ງການ 02/ຈນວ ໃນການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ກຽມພ້ອມຮອບດ້ານໃນການຕອບຕ້ານການແຜ່ລະບາດຂອງພະຍາດໂຄວິດ-19.

Off

Comments are closed.