17th Oct2013

ລັດຖະມົນຕີວ່າການກະຊວງ ປກສ ລົງເຄື່ອນໄຫວຢ້ຽມຢາມແລະຊີ້ນຳ ວຽກງານຢູ່ແຂວງຫົວພັນ

by somchan

ທ່ານ ດຣ ທອງບັນ ແສງອາພອນ ເລຂາທິການສູນກາງພັກ ລັດຖະມົນຕີວ່າການກະຊວງປ້ອງກັນຄວາມສະຫງົບ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມພະນັກງານ ກໍ່ສ້າງຮາກຖານການເມືອງຢູ່ເຂດຈຸດສຸມກຸ່ມບ້ານ ເມືອງຊຶມ ເມືອງແອດ ແຂວງຫົວພັນ, ໃນວັນທີ 15 ຕຸລານີ້ ໂດຍໄດ້ຮັບການຕ້ອນຮັບຈາກທ່ານ ຄຳຮຸ່ງ ເຮືອງວົງສີ ກຳມະການສູນກາງພັກ ເຈົ້າແຂວງໆຫົວພັນ, ມີຄະນະກອງບັນຊາການ ປກສ ແຂວງ ແລະ ພະນັກງານ ຫຼັກແຫຼ່ງພາຍໃນແຂວງໃຫ້ການຕ້ອນຮັບ. ການເຄື່ອນໄຫວວຽກງານຢູ່ແຂວງຫົວພັນຂອງທ່ານ ດຣ ທອງບັນ ແສງອາພອນ ໃນຄັ້ງນີ້ ແມ່ນເພື່ອພົບປະຢ້ຽມຢາມປະຊາຊົນ ເມືອງຊຶມ ແລະ ຊີ້ນຳວຽກງານກໍ່ສ້າງຮາກຖານການເມືອງຢູ່ເຂດດັ່ງກ່າວ. ເຂດຈຸດສຸມບ້ານເມືອງຊຶມແມ່ນນອນຢູ່ໃນ 11 ກຸ່ມບ້ານຈຸດສຸມທີ່ສ້າງເປັນຕົວເມືອງນ້ອຍໃນຊົນນະບົດຂອງແຂວງຫົວພັນ ແລະ ນອນຢູ່ໃນ 10 ກຸ່ມບ້ານໃນທົ່ວເມືອງແອດ,ຜ່ານມາຢູ່ເຂດຈຸດສຸມດັ່ງກ່າວເຄີຍມີກຸ່ມຄົນບໍ່ດີເຄື່ອນໄຫວຜິດກົດໝາຍເປັນຕົ້ນແມ່ນ: ຄ້າຂາຍຢາເສບຕິດ,ປຸ້ນຈີ້,ຊິງຊັບ,ຂີ້ລັກ,ງັດແງະ,ລັກລອບຕັດໄມ້-ທຳລາຍປ່າ ແລະ ອື່ນໆ. ຈາກສະພາບການດັ່ງກ່າວ ທ່ານ ດຣ ທອງບັນ ແສງອາພອນ ເລຂາທິການສູນກາງພັກ ລັດຖະມົນຕີວ່າການກະຊວງ ປກສ ໄດ້ຮຽກຮ້ອງໃຫ້ພະນັກງານກໍ່ສ້າງຮາກຖານເພີ່ມທະວີຕື່ນຕົວປະຕິບັດແນວທາງນະໂຍບາຍຂອງພັກ,ກົດໝາຍຂອງລັດ ໂດຍສະເພາະແມ່ນວຽກງານສາມສ້າງ ນຳພາປະຊາຊົນທຳການຜະລິດກະສິກຳໃຫ້ກາຍເປັນສິນຄ້າ ພ້ອມທັງເປັນເຈົ້າການຮັກສາວັດທະນະທຳອັນດີງາມ.

Off

Comments are closed.