06th Jun2021

ມອບລົດມອດໄຟໃຫ້ ປກສ ເມືອງສົບເບົາ

by somchan

ວັນທີ 3 ມິຖຸນາ 2021, ກອງບັນຊາການ ປກສ ແຂວງຫົວພັນ ໄດ້ມອບລົດມອດໄຟ1 ຄັນ ໃຫ້ກອງບັນຊາການ ປກສ ເມືອງສົບເບົາ ເພື່ອນຳໃຊ້ເຂົ້າໃນວຽກງານປ້ອງກັນ ແລະ ສະກັ້ດກັ້ນອັກຄີໄພ,ມອບໂດຍ ພົຈວ ແອນ ອຸ່ນອານົງນຸດ ຫົວໜ້າກອງບັນ ຊາການ ປກສ ແຂວງຫົວພັນ, ຕາງໜ້າຮັບໂດຍທ່ານ ໄຊຍະແສງ ຊົງຢົງຢາ ເຈົ້າເມືອງສົບເບົາ, ມີບັນດາຫ້ອງການອ້ອມຂ້າງເມືອງ ແລະ ພະນັກງານທີ່ກ່ຽວຂ້ອງເຂົ້າຮ່ວມ.

ພັທ ຄຳແພງ ແກ້ວມູນທອງ ຫົວໜ້າຫ້ອງຕຳຫຼວດ ປກສ ແຂວງຫົວພັນ ໄດ້ກ່າວວ່າ: ລົດມອບໄຟ ທີ່ນຳມາມອບໃຫ້ເມືອງສົບເບົາໃນຄັ້ງນີ້, ເປັນ ລົດ ISUZU ຂະໜາດບັນຈຸນ້ຳໄດ້ 3.000 ລິດເພື່ອ ຮັບໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນອັກຄີໄພ ເພື່ອປົກປັກຮັກສາຊັບສິນ ຂອງປະ ຊາຊົນບັນດາເຜົ່າ.

ໃນໂອກາດນີ້, ທ່ານ ໄຊຍະແສງ ຊົງຢົງຢາ ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນມາຍັງຄະນະພັກ-ຄະນະບັນຊາທຸກຂັ້ນ ທີ່ໄດ້ນຳເອົາລົດມອດໄຟມາມອບໃຫ້ເມືອງສົບເບົາໃນຄັ້ງນີ້ ເຊິ່ງພວກເຮົາໃຫ້ຄຳໝັ້ນສັນຍາວ່າ ຈະເອົາໃຈໃສ່ປົກປັກຮັກສາ ແລະ ນຳໃຊ້ເຂົ້າໃນການປະຕິບັດໜ້າທີ່ວຽກງານປ້ອງກັນ ແລະ ສະກັດກັ້ນອັກອີໄພໃຫ້ໄດ້ຮັບຜົນປະໂຫຍດສູງສຸດ; ລົດຄັນດັ່ງກ່າວແມ່ນຈະມອບໃຫ້ກອງບັນຊາການ ປກສ ເມືອງສົບເບົາ ເປັນຜູ້ຄຸ້ມຄອງ ເພື່ອນຳໃຊ້ເຂົ້າໃນການປະຕິບັດໜ້າທີ່ວຽກງານສະກັດກັ້ນ ແລະ ຕ້ານອັກຄີໄພ ຢູ່ເມືອງສົບເບົາ ໃຫ້ມີຄວາມສະດວກ, ວ່ອງໄວ ແລະ ຖືກຕາມຫຼັກການວິຊາສະເພາະ.

Off

Comments are closed.