07th Jun2021

ກອງພັນປ້ອງກັນເຄື່ອນທີ່ ນະຄອນຫຼວງວຽງຈັນ ສຶກສາອົບຮົມກຸ່ມໄວລຸ້ນຕັ້ງວົງຊຸມແຊວ

by somchan

ວັນທີ 6 ມີຖຸນາ 2021 ກອງພັນປ້ອງກັນເຄື່ອນທີ່ນະຄອນຫຼວງວຽງຈັນ ໄດ້ຮັບແຈ້ງຈາກ | ພົນລະເມືອງດີວ່າ: ມີການຊຸມແຊວຂອງພວກໄວລຸ້ນຈໍານວນຫນຶ່ງຢູ່ບ້ານໂພນໄຊ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກຸ່ມນີ້ຈະຊຸມແຊວກັນເປັນປະຈໍາໃນຕອນຄໍ່າຂອງທຸກວັນເສົາ ແລະ ວັນ ອາທິດ ຈື່ງໄດ້ນໍາກໍາລັງກວດກາສະຖານທີ່ຕົວຈິງ.

ຜ່ານການກວດກາຂອງຕົວເຈົ້າຫນ້າທີ່ ພົບເຫັນກຸ່ມໄວຫນຸ່ມ ຈໍານວນ 8 ຄົນ, ຍິງ 1 ຄົນ ພາກັນ ຕັ້ງວົງດື່ມເບຍຢູ່ເຮືອນເລກທີ 126, ຫນ່ວຍ 17, ຮ່ອມ 04 ບ້ານ ໂພນໄຊ ເມືອງໄຊເສດຖາ ນະຄອນຫຼວງວຽງຈັນ, ພາຍຫຼັງກວດກາພົບ ເຈົ້າຫນ້າທີ່ເຫັນວ່າການກະທໍາຂອງພວກກ່ຽວແມ່ນ ລະເມີດກັບຄໍາສັ່ງ ເລກທີ 15/ນຍ ແລະ ແຈ້ງການເລກທີ 02/ຈນວ ວ່າດ້ວຍການເພີ່ທະວີມາດ ຕະການຄວບຄຸມ ແລະ ປ້ອງກັນການແຜ່ລະບາດຂອງພະຍາດໂຄວິດ-19 ຈຶ່ງໄດ້ນໍາຕົວພວກກ່ຽວໄປ ມອບໃຫ້ອໍານາດການປົກຄອງບ້ານໂພນໄຊ ເພື່ອສຶກສາອົບຮົມ ແລະ ມອບໃຫ້ຜູ້ປົກຄອງຮັບປະກັນເອົາໄປ ຄຸ້ມຄອງ ສຶກສາອົບຮົມຕໍ່ໄປ. ,

 

Off

Comments are closed.