11th Jun2021

ລັດຖະບານຍີ່ປຸ່ນມອບຊຸດປ້ອງກັນ PPEs ໃຫ້ແກ່ ສປປ ລາວ ເພື່ອຕໍ່ສູ້ກັບພະຍາດໂຄວິດ-19

by somchan

ໃນວັນທີ 9 ມິຖຸນາ 2021 ກະຊວງສາທາລະນະສຸກ ທ່ານ ທາເກວາກະ ເຄໂຊ ເອກອັກຄະຣາຊະທູດຍີ່ປຸ່ນປະຈໍາລາວ ໄດ້ຕາງໜ້າໃຫ້ແກ່ລັດຖະບານຍີ່ປຸ່ນ ມອບຊຸດປ້ອງກັນ PPEs ໃຫ້ແກ່ ສປປ ລາວ ເພື່ອປ້ອງກັນພະຍາດໂຄວິດ-19 ກ່າວຮັບໂດຍທ່ານ ປອ.ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ມີທ່ານ ດຣ. ມາກ ເຈຄອບ ຫົວໜ້າອົງການອະນາໄມໂລກປະຈຳລາວ ແລະ ພາກສ່ວນກ່ຽວຂ້ອງເຂົ້າຮ່ວມ ການຊ່ວຍເຫຼືອຈາກລັດຖະບານຍີ່ປຸ່ນໃນຄັ້ງນີ້ປະກອບມີ: ຊຸດປ້ອງກັນ 20.000 ຊຸດ, ໜ້າກາກໜາພິເສດ 8.000 ອັນ, ແວ່ນຕາປ້ອງກັນ 1.250 ຊຸດ, ຖົງມືການແພດ 50.000 ຄູ່.

ອຸປະກອນປ້ອງກັນດັ່ງກ່າວແມ່ນຈັດຊື້ຈາກມູນນິທິອາຊີ-ເອີຣົບ ເຊີ່ງໃຫ້ທຶນໂດຍລັດຖະບານຍີ່ປຸ່ນ ແລະ ໄດ້ຖືກສົ່ງມາຈາກປະເທດສິງກະໂປມາເຖິງນະຄອນຫຼວງວຽງຈັນ ໂດຍຜ່ານການປະສານງານກັບອົງການອະນາໄມໂລກປະຈຳຫ້ອງການປາຊີຟິກຕາເວັນຕົກ.

Off

Comments are closed.