17th Oct2013

ເຫດການຍົນຕົກຢູ່ພາກໃຕ້ຂອງລາວ

by somchan

ຕາມແຈ້ງການຂອງລັດວິສາຫະກິດການບິນລາວ ໄດ້ໃຫ້ຮູ້ວ່າໃນເວລາ 15:55 ໂມງ ໄດ້ເກີດເຫດການເຮືອບິນ ATR, ຖ້ຽວບິນ QV 301 ທີ່ໄດ້ເດີນທາງຈາກສະໜາມບິນວັດໄຕ ນະຄອນຫຼວງວຽງຈັນໄປແຂວງຈຳປາສັກໄດ້ເກີດ ອຸບັດຕິເຫດຕົກລົງແມ່ນ້ຳຂອງຢູ່ເຂດດອນເຂາະ ໃກ້ກັບບ້ານຜາລີງເມືອງໂພນທອງ, ໃນເຮືອບິນລຳດັ່ງກ່າວມີຜູ້ ໂດຍສານ ແລະລູກເຮືອທັງໝົດ 49 ຄົນ ເຊິ່ງມີຜູ້ໂດຍສານ ທີ່ເປັນຄົນລາວ 17 ຄົນ, ຝຣັ່ງ 7ຄົນ, ອົສຕຣາລີ 5, ໄທ 5ຄົນ, ເກົາຫລີ 3ຄົນ, ຫວຽດນາມ 2ຄົນ, ອາເມລິກາ, ການາດາ, ຈີນ, ມາເລເຊຍ, ຈີນໄຕ້ຫວັນ ປະເທດລະ 1ຄົນ. ປະຈຸບັນເຈົ້າໜ້າທີ່ກູ້ໄພແຂວງຈຳປາສັກສາມາດຄົ້ນພົບຜູ້ເສຍຊີວິດແລ້ວ 17  ສົບ ແລະ ພວມສືບຕໍ່ຄົ້ນຫາຢ່າງຕໍ່ເນື່ອງ. ຕາມການລາຍງານສາເຫດຂອງການເກີດອຸປະຕິເຫດຄັ້ງນີ້ເນື່ອງຈາກປະເຊີນກັບລົມພາຍຸພັດຢ່າງກະທັນຫັນ. ສ່ວນລາຍລະອຽດທີ່ແທ້ຈິງເຈົ້າໜ້າທີ່ຕຳຫຼວດພວມສືບສວນ-ສອບສວນ.

Off

Comments are closed.