12th Jun2021

ສືບຕໍ່ແກ້ໄຂຮ້ານອິນເຕີເນັດຄາເຟ ທີ່ລະເມີດຄໍາສັ່ງເລກທີ 15/ນຍ ແລະ ແຈ້ງການ 02/ຈນວ ຈໍານວນ 2 ຮ້ານ

by somchan

ໃນວັນທີ 10 ມີຖຸນາ 2021, ພະແນກຕໍາຫຼວດປ້ອງກັນເສດຖະກິດ ຫ້ອງຕໍາຫຼວດ ປກສ ນວ ໄດ້ສົມທົບກັບ ປກສ ກຸ່ມ ແລະ ພາກສ່ວນກ່ຽວຂ້ອງ ລົງກວດກາແກ້ໄຂບັນດາຮ້ານອິນເຕີເນັດກາເຟ ຢູ່ເມືອງສີໂຄດຕະບອງເຊິ່ງພົບເຫັນ 2 ຮ້ານ ທີ່ລັກເປີດບໍລິການໃຫ້ລູກຄ້າເຂົ້າມາ (ເຕີມເຊີ), ຫຼິ້ນການພະນັນທາງອອນລາຍ ທີ່ລະເມີດຕໍ່ຄຳສັ່ງເລກທີ 15/ນຍ ແລະ ແຈ້ງການ 02/ຈນວ.

ຜ່ານການກວດກາຕົວຈິງຈື່ງຮູ້ໄດ້ວ່າ: ຮ້ານ Best Internet ເຈົ້າຂອງຮ້ານ ຊື່ ນ. ຢຸ້ຍ ອາຍຸ 25 ປີ ອາຊີບທຸລະກິດ ຢູ່ບ້ານໜອງດາ ເມືອງສີໂຄດຕະບອງ, ພົບເຫັນລູກຄ້າທີ່ເຂົ້າມາເຕີມເຊີ້ເກມຈຳນວນ 1 ຄົນ, ເຈົ້າຂອງຮ້ານອ້າງວ່າໃບອະນຸຍາດທະບຽນວິສາຫະກິດເອົາໄປຕໍ່ຢູ່ໄປສະນີ, ຈຶ່ງໄດ້ຍຶດຄອມພິວເຕີ 1 ຊຸດ ແລະ ເຄື່ອງພິມ 1 ເຄື່ອງ; ສ່ວນຮ້ານ Ballstep 2 Internet ເຈົ້າຂອງຮ້ານ ຊື່ ທ້າວ ມ້ອນ ອາຍຸ 29 ປີ ອາຊີບທຸລະກິດ ຢູ່ບ້ານອຸບມຸງ ເມືອງສີໂຄດຕະບອງ, ພົບເຫັນລູກຄ້າ 4 ຄົນ ທີ່ເຂົ້າມາໃຊ້ບໍລິການຢູ່ພາຍໃນຮ້ານ,

ຮ້ານດັ່ງກ່າວແມ່ນບໍ່ມີໃບອະນຸຍາດທະບຽນວິສາຫະກິດ ຈາກພາກສ່ວນທີ່ກ່ຽວຂ້ອງ, ດັ່ງນັ້ນເຈົ້າໜ້າທີ່ຈຶ່ງໄດ້ຍຶດອຸປະກອນ ຄອມພິວເຕີທີ່ນຳໃຊ້ເຂົ້າໃນການຫຼິ້ນການພະນັນ ຈໍານວນ 2 ຊຸດ ແລະ ເຄື່ອງພິມ 1 ເຄື່ອງ ຂື້ນມາຮັກສາໄວ້, ພ້ອມທັງສຶກສາອົບຮົມກ່າວເຕືອນ ແລະ ເຮັດບົດບັນທຶກໃຫ້ຢຸດເຊົາ.

Off

Comments are closed.