15th Jun2021

ວັກແຊງປ້ອງກັນໂຄວິດ-19 ຊີໂນຟາມ (Sinopharm) ຈໍານວນ 500.000 ຫລອດ ທີ່ ສປ ຈີນ ຊ່ວຍ ເຫລືອ ມາເຖິງນະຄອນຫລວງວຽງຈັນແລ້ວ

by somchan

ວັກແຊງປ້ອງກັນໂຄວິດ-19 ຊີໂນຟາມ (Sinopharm) ຈໍານວນ 500.000 ຫລອດ ທີ່ ສປ ຈີນຊ່ວຍ ເຫລືອ ມາເຖິງນະຄອນຫລວງວຽງຈັນແລ້ວໃນຕອນແລງຂອງວັນທີ່ 14 ມິຖຸນາ 2021 , ເຊິ່ງນີ້ແມ່ນຄັ້ງ ທີ 4 ທີ່ ສປ ຈີນ ໃຫ້ການຊ່ວຍເຫລືອວັກແຊງແກ່ ສ ປປ ລາວ ໂດຍລວມທັງຫມົດທີ່ ສປ ຈີນ ໃຫ້ການຊ່ວຍເຫຼືອ ສ ປປ ລາວ ແລ້ວ 1 ລ້ານ 9 ເເສນຫລອດ.ວັກຊິນຊີໂນຟາມ 5 ແສນ ຕາງຫນ້າຮັບໂດຍ ທ່ານ ຈັນຖະຫນອມ ມະນີທິບ ຮັກສາການຫົວຫນ້າຫ້ອງການກະຊວງສາທາລະນະ ສຸກ, ທ່ານ ຈ້າວ ເວີນຢູ ທູດທີ່ປຶກສາເສດຖະກິດການຄ້າ ສປ ຈີນ ປະຈໍາ ສປປ ລາວ, ໂດຍມີ ພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ, ສ່ວນພິທີມອບ-ຮັບ ຢ່າງເປັນທາງການ ຈະໄດ້ຈັດຂຶ້ນ ໃນ ວັນທີ 15 ມິຖຸນາ 2021 ນີ້ ຢູ່ກະຊວງສາທາລະນະສຸກ.

ທ່ານພອນປະເສີດ ອຸນາຣົມ ຫົວຫນ້າກົມອະນາໄມແລະສົ່ງເສີມສຸຂະພາບ ກະຊວງ ສາທາລະນະສຸກໃຫ້ຮູ້ວ່າ: ວັກແຊງຈໍານວນນີ້ ຈະເລີ່ມສັກໃຫ້ປະຊາຊົນເຂັ້ມທໍາອິດ ຮອບທີ 2 ຢູ່ພາຍ ໃນນະຄອນຫຼວງວຽງຈັນ ໃນວັນທີ 15 ມິຖຸນານີ້ເປັນຕົ້ນໄປ ແລະ ຈໍານວນຫນຶ່ງຈະສົ່ງໄປໃຫ້ຕ່າງ ແຂວງພາຍໃນອາທິດນີ້, ມາຮອດປະຈຸບັນ, ສປປ ລາວ ມີຜູ້ໄດ້ສັກວັກແຊງເຂັ້ມທໍາອິດແລ້ວ 712.279 ຄົນ ແລະ ສັກເຂັມທີ່ສອງແລ້ວຈໍານວນ 385.921 ຄົນ.

Off

Comments are closed.