15th Jun2021

ປກສ ເມືອງຫາດຊາຍຟອງ ພົບເຫັນຊາວປະມົງລະເມີດແຈ້ງການຈໍານວນ 9 ຄົນ

by somchan

ໃນວັນທີ 11 ມິຖຸນາ 2021, ຫນ່ວຍງານ 203 ພະແນກສັນຕິບານກອງບັນຊາການ ປກສ ເມືອງຫາດຊາຍຟອງ ນະຄອນຫຼວງວຽງຈັນ, ໄດ້ອອກກວດກາລາດຕະເວນຕາມລໍາແມ່ນ້ຳຂອງ ພົບເຫັນຊາວປະມົງອອກ ຫາປາ ທີ່ກາຍເວລາກໍານົດ ໂດຍສະເພາະລະເມີດຄໍາສັ່ງເລກທີ່ 15/ນຍ ແລະ ຄໍາສັ່ງຂອງ ກອງ ບັນຊາການ ປກສ ເມືອງຫາດຊາຍຟອງ ສະບັບເລກທີ 006/ປກສ ຫຟ ວ່າດ້ວຍຄວາມເຂັ້ມງວດ, ໃນ ການຄຸມຄອງ, ນໍາໃຊ້ເຮືອຫາປາປະເພດຕ່າງໆ ຕາມລໍາແມ່ນ້ຳຂອງ ໃນໄລຍະຄວບຄຸມ, ປ້ອງກັນການ ແຜ່ລະບາດຂອງພະຍາດໂຄວິດ-19.

ເຈົ້າຫນ້າທີ່ຕໍາຫຼວດຫນ່ວຍງານ 203 ພະແນກສັນຕິບານກອງບັນຊາການ ປກສ ເມືອງຫາດຊາຍຟອງ ນະຄອນຫຼວງ ວຽງຈັນໃຫ້ຮູ້ວ່າ: ນອກຈາກປະຕິບັດຕາມຄໍາສັ່ງເລກທີ່ 15/ນຍ ແລ້ວຍັງໄດ້ປະຕິບັດຕາມແຈ້ງ ເລກທີ 006/ປກສ ຫຟ ໄດ້ກໍານົດວ່າ: ເຮືອທີ່ອອກຫາປາ ນອກຈາກຂຶ້ນທະບຽນເຮືອ, ກໍານົດຈຸດຊັດ ເຈນແລ້ວເຮືອເເຕ່ລະລໍາຕ້ອງໄດ້ອອກໃນລະຫວ່າງ 6:00 ໂມງເຊົ້າຫາ 18:00 ໂມງ ໃຫ້ນໍາເຮືອມາ ຈອດທຽບທ່າຕາມຈຸດກໍານົດ. ຜ່ານການກວດກາຕົວຈິງພົບເຫັນ ຊາວປະມົງອອກເຮືອຫາປາ ທີ່ກາຍກຳນົດເວລາທີ່ວາງໄວ້ມີທັງຫມົດ 9 ຄົນ ດັ່ງທີ່ ເຈົ້າຫນ້າທີ່ໄດ້ເຮັດບົດບັນທຶກປະຫັວດແຕ່ລະຄົນ ແລ້ວໄດ້ເຮັດບົດບັນທຶກສຶກສາອົບຮົມ ພ້ອມ ທັງ ປັບໄຫມຕາມຄໍາສັ່ງເລກທີ 006/ປກສ ຫຟ ແລະ ກ່າວເຕືອນໃຫ້ຢຸດເຊົາຕໍ່ພຶດຕິກໍາດັ່ງກ່າວ.

 

Off

Comments are closed.