15th Jun2021

ປະຊາຊົນ 7 ບ້ານແຄມນ້ຳຊອງ ໄດ້ຮັບຜົນກະທົບຈາກໄພນ້ຳຖ້ວມ

by somchan

ໃນລະຫວ່າງວັນທີ 13-14 ມິຖຸນາ 2021 ນີ້, ມີຝົນຕົກຫນັກຕິດຕໍ່ກັນເຮັດໃຫ້ລະດັບນ້ຳຂອງ ເພີ່ມຂຶ້ນຫລາຍ ໄຫລຖ້ວມຫລາຍຈຸດ ແລະ ສ້າງຄວາມເສຍຫາຍພໍສົມຄວນ ໂດຍສະເພາະຂົວສີສົ້ມ ຫລື ຂົວຂ້າມສະຖານທີ່ທ່ອງທ່ຽວຂອງ ລີສອດຖ້ຳຈັງຫັກຂາດອອກຈາກກັນ, ປະຊາຊົນ 7 ບ້ານທີ່ ອາໄສຢູ່ເເຄມນ້ຳຊອງ ໄດ້ຮັບຜົນກະທົບ. ປັດຈຸບັນ, ອໍານາດການປົກຄອງເມືອງວັງວຽງ ແຂວງວຽງຈັນ ໄດ້ລົງຕິດຕາມຢ່າງໃກ້ຊິດ ແລະ ຊ່ວຍເຫລືອໃນເບື້ອງຕົ້ນ ໂດຍໄດ້ຄົ້ນຄວ້າເຮືອທີ່ເປັນພາຫະນະມາ ຊ່ວຍຂົນເຄື່ອງອອກຈາກເຮືອນທີ່ຢູ່ບ່ອນຕໍ່.

ທ່ານ ອໍາພອນ ອຸໄທທິດ ຫົວຫນ້າຫ້ອງການແຮງງານ ແລະ ສະຫວັດດີການ ສັງຄົມ ເມືອງວັງ ວຽງ ແຂວງວຽງຈັນ ໄດ້ໃຫ້ຂໍ້ມູນເບື້ອງຕົ້ນ ໃນວັນທີ 14 ມິຖຸນາ ນີ້ວ່າ: ຈາກການລົງໄປເກັບກໍ້ຂໍ້ມູນ ຕົວຈິງ ບັນດາບ້ານທີ່ຢູ່ແຄມນ້ຳຊອງທີ່ນ້ໍາໄຫລຖ້ວມນັ້ນມີ ຈໍານວນ 7 ບ້ານຄື: ບ້ານຂັນຫມາກ ມີ 80 ຄອບຄົວ, ບ້ານໂພນຊູ 30 ຄອບຄົວ, ບ້ານວັງຊອງ 86 ຄອບຄົວ. ສ່ວນຢູ່ບ້ານຫ້ວຍງາມ, ບ້ານວຽງ ໄຊ-ນາຫລວງ, ບ້ານເມືອງຊອງ ແລະ ບ້ານຫ້ວຍແຍ້ ແມ່ນກໍາລັງເກັບກໍາຂໍ້ມມູນຄອບຄົວທີ່ໄດ້ຮັບຜົນ ກະທົບ, ຈໍານວນສັດລ້ຽງ ແລະ ຜົນຜະລິດ ແມ່ນກໍາລັງສັງລວມປະເມີນຜົນເສຍຫາຍ. – ທ່ານຍັງໄດ້ກ່າວອີກວ່າຖ້າຫາກທ່ານໃດທີ່ກໍາລັງຈະເດີນທາງມາເມືອງວັງວຽງ ແຂວງວຽງຈັນ ແມ່ນໃຫ້ເດີນທາງເຂົ້າທາງດ່ວນຈຸດບ້ານວັງຄີ, ເພາະວ່າເສັ້ນທາງ ເລກທີ 13 ເຫນືອ ນັບແຕ່ສົນຂົວບ້ານວັງຄີ ເມືອງຫີນເຫີບ ຫາ ບ້ານຂັນຫມາກ ເມືອງວັງວຽງ ສະພາບເສັ້ນ ທາງແມ່ນນ້ຳຖ້ວມເປັນບາງຈຸດ ເຮັດໃຫ້ສະພາບການເດີນທາງຕິດຂັດ.

 

Off

Comments are closed.