18th Jun2021

ປກສ ເມືອງນາຊາຍທອງ ຈັບກຸມເປົ້າໝາຍໄດ້ 4 ຄົນ ພ້ອມຂອງກາງຢາບ້າ 12,000 ເມັດ

by somchan

ເຈົ້າໜ້າທີ່ ປກສ ເມືອງນາຊາຍທອງ ນະຄອນຫຼວງວຽງຈັນ ເຂົ້າຈັບກຸມເປົ້າໝາຍ ທີ່ມີຢາເສບຕິດໄວ້ຄອບຄອງ,  ຢູ່ 2 ຈຸດຄື: ເຂດບ້ານອ່າງນ້ຳຫຸມ ເມືອງນາຊາຍທອງ ແລະ ຢູ່ຫ້ອງແຖວບ້ານດັ່ງກ່າວ ອີກ 1 ລາຍ ລວມມີຢາເສບຕິດປະເພດຢາບ້າ 25,855 ເມັດ; ໃນວັນທີ 15 ມິຖຸນາ 2021 ນີ້

ພັທ ບຸນມີ ກັນຕີຍາວົງ ຮອງຫົວໜ້າ ປກສ ເມືອງນາຊາຍທອງ   ໃຫ້ຮູ້ວ່າ: ໄດ້ກັກຕົວເປົ້າໝາຍຢູ່ເຂດບ້ານອ່າງນໍ້າຫຸມ ເມືອງ ນາຊາຍທອງ ພ້ອມຢາເສບຕິດປະເພດຢາບ້າ ຈໍານວນ 1855 ເມັດ ຄື: ທ້າວ ຫຼືຄ້າ ອາຍຸ 30 ປີ, ບ້ານ ໜອງນາກ ເມືອງໂພນໂຮງ ແຂວງວຽງຈັນ, ຕໍ່ມາໄດ້ລົງກວດກາຢູ່ຫ້ອງແຖວເຂດບ້ານດັ່ງກ່າວ ສາມາດກັກຕົວໄດ້ອີກ 4 ຄົນຄື: ນ ປ້ອມ ອາຍຸ 28 ປີ, ປະຊາຊົນ, ບ້ານກິວກໍາ ເມືອງຂວາ ແຂວງຜົ້ງສາລີ ພ້ອມຢາເສບຕິດປະເພດຢາບ້າ 06 ມັດ ຫຼື 12,000 ເມັດ; ທ້າວ ສົມ ອາຍຸ 28 ປີ, ບ້ານໂພນສະຫວ່າງ ເມືອງງາ ແຂວງອຸດົມໄຊ; ທ້າວ ພຸດ ອາຍຸ 18 ປີ, ບ້ານທົ່ງນາມີ ເມືອງປາກກະດິງ ແຂວງບໍລິຄໍາໄຊ; ນາງ ເມ ອາຍຸ 17 ປີ, ບ້ານ ເກີນ, ເມືອງ ຜາອຸດົມ, ແຂວງບໍ່ແກ້ວ; ພ້ອມຢາບ້າ 6 ມັດ ຫຼື 12,000 ເມັດ, ຕໍ່ກັບຄະດີດັ່ງກ່າວ ເຈົ້າໜ້າທີ່ ປກສ ເມືອງນາຊາຍທອງ ພວມສືບຕໍ່ສືບສວນ-ສອບສວນຂະຫຍາຍຜົນຫາກຸ່ມແກ້ງ ພັກພວກມາດຳເນີນຄະດີຕາມກົດໝາຍ.

 

Off

Comments are closed.