20th Jun2021

ນະຄອນຫຼວງວຽງຈັນມີແຜນສືບຕໍ່ສັກວັກແຊງປ້ອງກັນພະຍາດໂຄວິດ-19ເປັນແຕ່ລະໄລຍະ

by somchan

ປັດຈຸບັນການສັກຢາວັກແຊງໃນນະຄອນຫຼວງວຽງຈັນແມ່ນເປັນທີ່ຕ້ອງການຂອງປະຊາຊົນເປັນຈຳນວນຫຼາຍຜ່ານມາເຮັດໃຫ້ບາງຈຸດທີ່ມີການບໍລິການສັກວັກແຊງມີຄວາມແອອັດ,ສັບສົນຫຼາຍ ແລະ ເກີດມີຫາງສຽງໃນສັງຄົມເນື່ອງຈາກວ່າຢູ່ນະຄອນຫຼວງວຽງຈັນຍັງມີການແຜ່ລະບາດຂອງພະຍາດໂຄວິດ-19 ຢູ່ພາຍໃນຊຸມຊົນ.

ທ່ານ ບຸນທະວີ ເດດບັນດິດ ຮອງຫົວໜ້າພະແນກສາທາລະນະສຸກນະຄອນຫຼວງວຽງຈັນ ໄດ້ໃຫ້ສຳພາດ ວັນທີ 18 ມິຖຸນາ ຜ່ານມາ ກ່ຽວກັບວຽກງານການໃຫ້ວັກແຊງປ້ອງກັນພະຍາດໂຄວິດ-19 ໃນນະຄອນຫຼວງວຽງຈັນວ່າ: ການຈັດຕັ້ງປະຕິບັດສັກວັກແຊງຮອບທີ2ເຂັມທີ1ແມ່ນໄດ້ເລີ່ມແຕ່ວັນທີ15-25ມິຖຸນາ2021ນີ້ ຊຶ່ງມີແຜນສັກວັກແຊງໃຫ້ປະຊາຊົນເປັນແຕ່ະໄລຍະ,ປັດຈຸບັນແມ່ນມີວັກແຊງ 3 ຊະນິດຄື: ຊີໂນຟາມ,ແອັດສຕາຊີເນກແລະ ໄຟເຊີ, ໂດຍສະເພາະແມ່ນວັກແຊງໄຟເຊີ ປະຊາຊົນໃຫ້ຄວາມສົນໃຈຢາກສັກວັກແຊງຊະນິດນີ້ເຮັດໃຫ້ເກີດມີບາງຈຸດໃຫ້ບໍລິການຢູ່ໃນນະຄອນຫຼວງວຽງຈັນແອອັດແລະສັບສົນ, ຜ່ານມາວັກແຊງຊະນິດນີ້ແມ່ນສັກໃຫ້ກຸ່ມຄົນສູງອາຍຸ 60 ປີຂຶ້ນໄປ ແລະ ຜູ້ມີພະຍາດຊ້ຳເຮື້ອ.ສຳລັບການກະກຽມໃຫ້ວັກແຊງປ້ອງກັນໂຄວິດ-19ໃນເບື້ອງຕົ້ນໄດ້ມີແຈ້ງການລົງຫາບ້ານເພື່ອຂຶ້ນບັນຊີກຸ່ມເປົ້າໝາຍດັ່ງ ກ່າວເພື່ອໃຫ້ປະຊາຊົນໄດ້ເຂົ້າເຖິງການບໍລິການ ແລະ ມີການຈັດສັນໃຫ້ໄປຕາມຈຸດທີ່ທາງພະແນກສາທາລະນະສຸກກຳນົດໄວ້ໃນນະຄອນຫຼວງວຽງຈັນຊຶ່ງມີຈຸດໃຫ້ບໍລິການສັກວັກແຊງ 24 ຈຸດ ໃນ 9 ຕົວເມືອງ ແລະ ມີຄວາມພ້ອມໃນດ້ານຕ່າງໆ, ໃນການສະໜອງໃຫ້ວັກແຊງປ້ອງກັນໂຄວິດ-19 ປະຊາຊົນນະຄອນຫຼວງວຽງຈັນ ສັກໄປແລ້ວເຂັມທີ 1 ໄດ້ 260.000ຄົນ, ຊຶ່ງຕັ້ງເປົ້າໝາຍຈະສັກໃຫ້ດ້ 80% ເປັນຢ່າງຕ່ຳ, ຄືຜູ້ທີ່ມີອາຍຸ 18 ຂຶ້ນໄປໃຫ້ໄດ້ 600.000 ກວ່າໂດສແລະຖ້າຫາກສັກວັກແຊງຊີໂນຟາມ ແລະ ໄຟເຊີ  ສຳເລັດຈະໄດ້ເພີ່ມອີກ 53.000 ຄົນໃນນະຄອນຫຼວງວຽງຈັນ ແລະ ມີແຜນສັກວັກແຊງຊີໂນຟາມຕໍ່ຈາກໄລຍະກ່ອນຄືສືບຕໍ່ສັກໄປເລື້ອຍໆ, ຖ້າຫາກສັກໄດ້ໝົດທັງວັກແຊງແອັດສຕາເຊເນກາ ຈະໄດ້ຢູ່ 500.000 ຄົນ ແລະ ປັດຈຸບັນເປັນໂອກາດດີແກ່ສັງຄົມເພາະວັກແຊງ ແມ່ນໄດ້ຖືກຄົ້ນຄ້ວາຈາກ ສປຈີນ ໄດ້ສັກໃຫ້ຜູ້ມີອາຍຸ 18 ປີຂຶ້ນໄປ,ຜູ້ສູງອາຍຸ ແລະ ຜູ້ມີພະຍາດຊ້ຳເຮື້ອມາແລ້ວບໍ່ມີຜົນຂ້າງຄຽງແລະ ຜິດປົກກະຕິຫຍັງ,ສະນັ້ນອົງການອະນາໄມໂລກ ແລະກະຊວງສາທາລະນາສຸກຈຶ່ງເຫັນດີໃຫ້ຜູ້ມີອາຍຸ18 ຂຶ້ນໄປ,ຜູ້ສູງອາຍຸ 60 ປີ ຂຶ້ນໄປ ແລະ ມີພະຍາດຊ້ຳເຮື້ອສາມາດເຂົ້າຮັບການສັກຢາວັກແຊງຊະນິດດັ່ງກ່າວໄດ້ເຊັ່ນກັນ.

ພ້ອມນີ້ທ່ານຍັງໄດ້ຮຽກຮ້ອງມາຍັງປະຊາຊົນຈົ່ງຮິບຮ້ອນຕື່ນຕົວເຂົ້າຫາການບໍລິການສັກວັກແຊງປ້ອງກັນພະຍາດໂຄວິດ-19ຕາມສະຖານທີທີ່ກຳນົດໄວ້, ເພາະການໄດ້ຮັບວັກແຊງຄົບ 2 ເຂັມເທົ່ານັ້ນຈຶ່ງສາມາດມີພູມຄຸມກັນໄດ້, ຖ້າທ່ານມີພູມຄຸ້ມກັນທາງແພດໝໍກໍມີຄວາມອຸ່ນໃຈແລະທ່ານຈະມີຄວາມປອດໄພຈາກການຕິດເຊື້ອພະຍາດໂຄວິດ-19. ທ່ານກ່າວອີກວ່າ:ຖ້າຫາກບ່ອນໃດຈຸດໃດການບໍລິການໃຫ້ວັກແຊງມີຄົນແອອັດແລະສັບສົນຫຼາຍໃຫ້ຫຼີກລ້ຽງສາກ່ອນ ແລະ ຮຽກຮ້ອງໃຫ້ປະຊາຊົນຖ້າບໍ່ຈຳເປັນບໍ່ຄວນອອກຈາກບ້ານເຮືອນ,ຖ້າອອກຈາກບ້ານເຮືອນຕ້ອງປະຕິບັດມາດຕະການປ້ອງກັນໂຄວິດ19ຢ່າງເຂັ້ມງວດ,ໃສ່ຜ້າປິດປາກດັງ,ໃຊ້ເຈວລ້າງມື,ລ້າງມືດ້ວຍນ້ຳສະອາດ ແລະ ຮັກສາໄລະຫ່າງ1-2 ແມັດຂຶ້ນໄປ.

Off

Comments are closed.