21st Jun2021

ປກສ ເມືອງນາຊາຍທອງ ສຶກສາອົບຮົມ ແລະ ປັບໄໝເຈົ້າຂອງກິດຈະການທີ່ລະເມີດມາດຕະການ

by somchan

ໃນວັນທີ 16 ມີຖຸນາ 2021 ເວລາ 22:30 ເຈົ້າໜ້າທີ່ຕຳຫຼວດສະຖານີແກ້ໄຂເຫດສຸກເສີນ 1191 ນາດີ ເມືອງນາຊາຍທອງ ນະຄອນຫຼວງວຽງຈັນ ໄດ້ອອກເຄື່ອນໄຫວກວດກາລາດຕະເວນ ໃນຂອບເຂດພື້ນທີ່ຄວາມຮັບຜິດຊອບຂອງຕົນ, ຜ່ານການລົງກວດກາຕົວຈິງ ເຂດບ້ານສີວິໄລ ເມືອງນາຊາຍທອງ ໄດ້ພົບເຫັນຮ້ານສະນຸກເກີ້ເປີດໃຫ້ບໍລິການມີກຸ່ມໄວ້ໜຸ່ມເຂົ້າໄປຫຼີ້ນສະໜຸກເກີ້ ແລະ ຕັ້ງວົງຊຸມແຊວດື່ມສິ່ງມຶນເມົາເປັນຈຳນວນຫຼາຍ ທີ່ເປັນການລະເມີດ ຄຳສັ່ງ, ແຈ້ງການ ທີ່ໄດ້ກຳນົດ ຈຶ່ງໄດ້ພາຕົວ ເຈົ້າຂອງຮ້ານ ແລະ ກຸ່ມໄວ້ໜຸ່ມ ຈຳນວນ 8 ຄົນ ສົ່ງໃຫ້ ກອງບັນຊາການ ປກສ ເມືອງ ນາຊາຍທອງ ເປັນຜູ້ດຳເນີນການສອບສວນ.

ຜ່ານການສອບສວນເອົາຄຳໃຫ້ການເບື້ອງຕົ້ນ ເຈົ້າຂອງຮ້ານ ສະນຸກເກີ້ ຮັບສາລະພາບວ່າ: ຕົນເອງໄດ້ເປີດຮ້ານສະນຸກເກີ້ໃຫ້ບໍລິການໃຫ້ລູກຄ້າມາຫຼິ້ນ ສະນຸກເກີ້ ແລະ ຕັ້ງວົງຊຸມແຊວດື່ມສິ່ງມຶນເມົາແທ້ ດັ່ງນັ້ນ, ເຈົ້າໜ້າທີ່ໜ່ວຍງານສືບສວນສອບ-ສອບສວນ ປກສ ເມືອງນາຊາຍທອງ ຈິ່ງໄດ້ເຮັດບົດບັນທຶກສຶກສາອົບຮົມຕັກເຕືອນໃຫ້ຢຸດເຊົາ. ພ້ອມທັງນໍາໃຊ້ມາດຕະການປັບໄໝຕາມລະບຽບບໍລິຫານ ພ້ອມມອບໃຫ້ອຳນາດການປົດຄອງບ້ານ ແລະ ຜູ້ປົກຄອງ ສືບຕໍ່ສຶກສາອົບຮົມລູກຫຼານຂອງຕົນເອງ ໃຫ້ປະຕິບັດຕາມມາດຕະການປ້ອງກັນຄວບຄຸມການແຜ່ລະບາດພະຍາດໂຄວິດ-19 ຢ່າງເຂັ້ມງວດ.

Off

Comments are closed.