21st Jun2021

ຄະນະສະເພາະກິດເຕືອນ! ການເຮັດເອກະສານຢັ້ງຢືນສັກວັກແຊງຕ້ອງໄປເຮັດດ້ວຍຕົນເອງ

by somchan

ວັນທີ 16 ມິຖຸນາ 2021 ຜ່ານມານີ້ ໄດ້ມີບຸກຄົນທີ່ນຳໃຊ້ເຟສບຸກບາງທ່ານໂຄສະນາ ວ່າສາມາດແລ່ນເຮັດຢັ້ງຢືນການຮັບສັກວັກແຊງ ສຳລັບຄົນໄປຈະເດີນທາງໄປຕ່າງປະເທດໄດ້ ສ້າງຄວາມສົນໃຈ ແລະ ເປັນທີ່ສົງໄສໃຫ້ກັບສັງຄົມບໍ່ໜ້ອຍ.
ຕໍ່ກັບກໍລະນີດັ່ງກ່າວນີ້ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຊີ້ແຈງໃນໂອກາດຖະແຫຼງຂ່າວເມື່ອວັນທີ 18 ມິຖຸນາ 2021 ທີ່ຜ່ານມາ ວ່າ: ການເຮັດເອກະສານ ຢັ້ງຢືນການສັກວັກແຊງ ສຳລັບຜູ້ມີຈຸດປະສົງໃຊ້ເພື່ອເດີນທາງໄປຕ່າງປະເທດ ຕ້ອງໄດ້ໄປເຮັດເອງເທົ່ານັ້ນ, ຜູ້ອື່ນບໍ່ສາມາດໄປເຮັດແທນເພາະຕ້ອງໄດ້ນຳເອົາໃບຢັ້ງຢືນຮັບວັກແຊງສີຂຽວນັ້ນໄປກວດສອບຄືນຕື່ມ ເພື່ອໃຫ້ຖືກຕ້ອງຊັດເຈນ, ບໍ່ອະນຸຍາດໃຫ້ບຸກຄົນ, ນິຕິບຸກຄົນ ຮັບແລ່ນເຮັດເອກະສານດັ່ງກ່າວນີ້ ຖ້າຫາກພົບເຫັນບຸກຄົນໃດໂຄສະນາວ່າຈະຮັບແລ່ນເຮັດເອກະສານຢັ້ງຢືນ ໃຫ້ແມ່ນຜິດຕໍ່ລະບຽບກົດໝາຍ.

Off

Comments are closed.