22nd Jun2021

ປກສ ກຸ່ມ ທົ່ວເມືອງໄຊທານີ ມີຄວາມພ້ອມໃນການຕິດຕັ້ງລະບົບກອງປະຊຸມທາງໄກ ( Video Conference )

by somchan

ປກສ ກຸ່ມບ້ານ 11 ກຸ່ມ, ສະຖານນີ້ຮັບແຈ້ງເຫດ ແລະ ແກ້ໄຂສຸກເສີກ 1191 ຈໍານວນ 3 ຈຸດ ທີ່ຂຶ້ນກັບກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນມີຄວາມພ້ອມ ໃນການຕິດຕັ້ງລະບົບກອງປະຊຸມທາງໄກvideo conference ພາຍຫຼັງຄະນະຮັບຜິດຊອບຕິດຕັ້ງ ລົງກວດກາ ອຸປະກອນຮັບໃຊ້ຕ່າງໆ ໃນການຕິດຕັ້ງ ເມືອວັນທີ 18 ມີຖຸນາ 2011 ຜ່ານມາ.

ພັທ ບຸນລັນ ໄຊຍະວົງ ຮອງຫົວຫນ້າຫ້ອງການ ກອງບັນຊາການ ປກສ ນະຄອນຫຼວງວຽງຈັນ ຜູ້ຮັບຜິດຊອບວຽກງານຕິດຕັ້ງລະບົບກອງປະຊຸມທາງໄກ ( Video Conference ) ໄດ້ໃຫ້ຮູ້ວ່າ: ໃນການລົງເກັບກໍາຂໍ້ມູນຄັ້ງນີ້ ທາງຄະນະຮັບຜິດຊອບໄດ້ກວດກາບັນດາຄອມພີວເຕີ ແລະ ອຸປະກອນ ຕ່າງໆທີ່ໃຊ້ໄດ້ ຢູ່ພາຍໃນກຸ່ມ ແລະ ສະຖານີ ເຫັນວ່າມີຄວາມພ້ອມທຸກດ້ານ ໃນການຕິດຕັ້ງລະບົບ ກອງປະຊຸມທາງໄກ ( Video Conference ). ໃນໂອກາດນີ້, ພັທ ບຸນລັບ ໄຊຍະວົງ ຍັງໄດ້ກ່າວຍ້ອງຍໍຊົມເຊີຍ ຕໍ່ບັນດາຄະນະພັກ-ຄະນະບັນຊາ ແລະ ພະນັກງານທຸກສະຫາຍໃນ ປກສ 11 ກຸ່ມ ບ້ານ ແລະ 3 ສະຖານີ ຂອງເມືອງໄຊທານີ ທີ່ເຫັນໄດ້ເຖິງຄວາມສໍາຄັນ ຂອງວຽກງານດັ່ງກ່າວ ແລະ ພ້ອມກັນເອົາໃຈໃສ່ປະຕິບັດຕາມທິດຊີ້ນໍາຂອງຫົວຫນ້າກອງບັນຊາການປກສນະຄອນຫຼວງວຽງຈັນ ເຮັດໃຫ້ວຽກງານຕິດຕັ້ງມີຄວາມສະດວກ ແລະ ກ້າວໄປສູ່ຄວາມສໍາ ເລັດ

 

Off

Comments are closed.