22nd Jun2021

ພະແນກ ສຶກສາທິການ ແລະ ກິລາ ແຂວງອຸດົມໄຊໄດ້ຮັບເຄື່ອງຊ່ວຍເຫຼືອ ປ້ອງກັນພະຍາດໂຄວິດ-19

by somchan

ເມື່ອບໍ່ດົນມານີ້, ອົງການແພຣນສາກົນ ປະຈໍາ ສປປ ລາວ ໄດ້ມອບເຄື່ອງປ້ອງກັນໂຄວິດ-19 ປະກອບມີ: ເຄື່ອງວັດ ແທກອຸນຫະພູມ 376 ອັນ, ຜ້າອັດປາກ-ດງ 1.606ກັບ, ເຈວລ້າງມື 1.113 ກ່ອງ ແລະ ສະບູລ້າງມື 371 ແພັກ ລວມມູນຄ່າ 200 ກວ່າລ້ານກີບ ໃຫ້ພະແນກສຶກສາທິການ ແລະ ກິລາແຂວງອຸດົມໄຊ , ຕາງຫນ້າອົງການສາກົນ ປະຈໍາ ສປປ ລາວ ມອບໂດຍ ທ່ານ ທະນົງສັກ ມະລີຈັນສີ ຜູ້ປະສານງານ ບໍລິຫານ-ການເງິນ  ປະຈຳແຂວງອຸດົມໄຊ ແລະ ຮັບໂດຍທ່ານ ສົມສັກ ສຸພິໄລ ຫົວຫນ້າພະແນກ ສຶກສາທິການ ແລະ ກິລາແຂວງ ໂດຍມີພາກສ່ວນທີ່ກ່ຽວຂ້ອງ ເຂົ້າຮ່ວມ.

ໂອກາດດັ່ງກ່າວ, ທ່ານ ສົມສັກ ສຸພິໄລ ໄດ້ສະແດງຄວາມຂອບໃຈ ມາຍັງອົງການແພອນສາກົນ ປະຈໍາ ສປປ ລາວ ທີ່ໃຫ້ການຊຸກຍູ້, ຊ່ວຍເຫລືອ ທາງດ້ານເຄື່ອງມື ໃນການປ້ອງກັນພະຍາດໂຄວິດ-19, ພ້ອມທັງຢືນຢັນວ່າ ຈະໄດ້ນໍາໃຊ້ເຂົ້າໃນການປ້ອງກັນ ການແຜ່ລະບາດຂອງເຊື້ອພະຍາດໂຄວິດ – 19 ໃນໂອກາດເປີດການຮຽນ-ການສອນຄືນໃຫມ່ ພາຍຫລັງທີ່ ໄດ້ພັກການຮຽນ-ການສອນ ມາເປັນ ເວລາຫລາຍເດືອນ ໂດຍຈະແຈກຢາຍໃຫ້ບັນດາເມືອງ ເພື່ອນໍາໄປແຈກຢາຍຕໍ່ໃຫ້ແກ່ແຕ່ລະໂຮງຮຽນ ໄດ້ນໍາໃຊ້ໃຫ້ທົ່ວເຖິງ ແລະ ຄາດວ່າຈະແຈກຢາຍໃຫ້ສໍາເລັດໃນໄວໆນີ້.

 

Off

Comments are closed.