23rd Jun2021

ແກ້ໄຂໄດ້ທັນສະພາບການ ຈາກການແຈ້ງຄວາມຂອງພົນລະເມືອງ

by somchan

ພັທ ບົວໄລ ໄຊຍະລາດ ຮອງຫົວໜ້າກອງພັນປ້ອງກັນເຄື່ອນທີ່ໄວ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 21 ມິຖຸນາ 2021 ກອງພັນປ້ອງກັນເຄື່ຶອນທີ່ໄວ ຫຼື ກອງພັນ 08 ປກສ ນະຄອນຫຼວງວຽງຈັນ ໄດ້ຮັບແຈ້ງ ວ່າ: ມີກຸ່ມໄວລຸ້ນ ຂັບຂີ່ລົດແຂ່ງກັນ ຢູ່ເຂດເສດຖະກິດສະເພາະບຶງທາດຫຼວງ ເມືອງໄຊເຊດຖາ ແລະ ຖະໜົນຕັດໃໝ່ໜອງບຶກ ເມືອງສີໂຄດຕະບອງ, ພາຍຫຼັງໄດ້ຮັບແຈ້ງ ເຈົ້າໜ້າທີ່ ຈຶ່ງໄດ້ແຕ່ງຕັ້ງກຳລັງລົງແກ້ໄຂສະພາບ ດັ່ງກ່າວ.


ຜ່ານການອອກກວດກາລາດຕະເວນ ແລະ ແກ້ໄຂຂອງເຈົ້າໜ້າທີ່ ເວລາ 16:00 ໂມງ ໄດ້ພົບເຫັນເຫດການຕາມການແຈ້ງຄວາມ ຈຶ່ງໄດ້ກັກຕົວກຸ່ມໄວລຸ້ນ ຈຳນວນ 20 ຄົນ, ຍິງ 1 ຄົນ ທີ່ກຳລັງຕັ້ງກຸ່ມແກ້ງຂັບຂີ່ລົດແຂ່ງກັນ ຢູ່ເຂດເສດຖະກິດບຶງທາດຫຼວງ ເມືອງໄຊເຊດຖາ ແລະ ຖະໜົນຕັດໃໝ່ໜອງບຶກ ຈຶ່ງໄດ້ເຂົ້າກັກຕົວ ພ້ອມລົດຈັກດັດແປງສະພາບເຕັກນິກ 15 ຄັນ. ເພື່ອສອບປະຫວັດການເຄື່ອນໄຫວ ຈາກນັ້ນ, ກໍໄດ້ເຮັດບົດບັນທຶກ ມອບໃຫ້ຜູ້ປົກຄອງຮັບເອົາເມືອ ເພື່ອລໍຖ້າສຶກສາອົບຮົມພາຍຫຼັງ.

ຕໍ່ມາໃນເວລາ 20:00 ໂມງ ຂອງວັນດຽວກັນ ເຈົ້າໜ້າທີ່ກອງພັນປ້ອງກັນເຄື່ອນທີ່ໄວ ໄດ້ສືບຕໍ່ລົງກວດກາລາດຕະເວນຕາມຖະໜົນເມືອງໄຊທານີ ຮອດປ້ຳນ້ຳມັນບ້ານດ່ານຊ່າງ ພົບເຫັນເປົ້າໝາຍສົງໃສ ແລະ ຈຶ່ງໄດ້ຂໍກວດຄົ້ນຕົວ ທ້າວ ພວງ ອາຍຸ 43 ປີ ກຳມະກອນ ຢູ່ບ້ານດ່ານຊ່າງ ເມືອງໄຊທານີ ນະຄອນຫຼວງວຽງຈັນ ກວດພົບເຫັນມີຢາບ້າ ຈຳນວນ 75 ເມັດ, ເຮໂລອິນ 3 ຖົງນ້ອຍ. ພ້ອມທັງ ນຳສົ່ງໃຫ້ພະແນກສະກັດກັ້ນ ແລະ ຕ້ານຢາເສບຕິິດ ປກສ ນະຄອນຫຼວງວຽງຈັນ ດຳເນີນຄະດີຕາມລະບຽບກົດໝາຍ.

Off

Comments are closed.