24th Jun2021

ພົຈວ ແອນ ອຸ່ນອານົງນຸດ ເຄື່ອນໄຫວພົບປະ ແລະ ຊີ້ນຳວຽກງານວິຊາສະເພາະ ຢູ່ ປກສ ເມືອງຊຳເໜືອ ແຂວງຫົວພັນ

by somchan

ພົຈວ ແອນ ອຸ່ນອານົງນຸດ ຄະນະປະຈຳພັກແຂວງ ຫົວໜ້າກອງບັນຊາການ ປກສ ແຂວງຫົວພັນ ໄດ້ເຄື່ອນໄຫວພົບປະ ແລະ ຊີ້ນຳວຽກງານວິຊາສະເພາະ ຢູ່ກອງບັນຊາການ ປກສ  ເມືອງຊຳເໜືອ ວັນທີ 22 ມີຖຸນາ 2021 ເຊິ່ງໄດ້ຮັບການຕ້ອນຮັບ ຈາກທ່ານ ພັທ ໄມສິງ ຄຳສຸຫວັດ ພ້ອມດ້ວຍນາຍ ແລະ ພົນຕຳຫຼວດພາຍໃນເມືອງເຂົ້າຮ່ວມ.

ໃນໂອກາດດັ່ງກ່າວ ທ່ານ ພົຈວ ແອນ ອຸ່ນອານົງນຸດ ໄດ້ເນັ້ນໜັກໃຫ້ຄະນະພັກ-ຄະນະບັນຊາ ພະນັກງານ-ນັກຮົບ ທຸກສະຫາຍ ປກສ ຊຳເໜືອ ຈົ່ງສືບຕໍ່ເສີມຂະຫຍາຍດ້ານດີ ຜົນງານທີ່ເປັນມູນເຊື້ອ ແລະ ເພີ່ມທະວີປັບປຸງແກ້ໄຂຂໍ້ບົກຜ່ອງທີ່ເປັນບັນຫາຫຍໍ້ທໍ້ໃຫ້ໝົດໄປ ເອົາໃຈໃສ່ສືກສາອົບຮົມພະນັກງານ-ນັກຮົມໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ ເຂັ້ມແຂງທາງດ້ານການຈັດຕັ້ງ ມີທັດສະນະຄຸນສົມບັດ ມີລະບຽບວິໄນທີ່ເຂັ້ມງວດ, ເຊື່ອໝັ້ນຕໍ່ການນຳພາຂອງພັກ ມີຄວາມສາມັກຄີໃຫ້ແໜ້ນແຟ້ນ ມີແບບແຜນໃນການເຄື່ອນໄຫວວິຊາສະເພາະ ໃຫ້ຖືກຕ້ອງຕາມກົດໝາຍ, ສຸມໃສ່ແກ້ໄຂປະກົດການຫຍໍ້ທໍ້ຢູ່ໃນກຳລັງໃຫ້ໝົດໄປ ເຂັ້ມງວດຫັນພະນັກງານລົງກໍ່ສ້າງຮາກຖານ ປຸກລະດົມປະຊາຊົນ ໃຫ້ເຂົ້າຮ່ວມເຮັດວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ເພື່ອສະກັດກັ້ນແກ້ໄຂບັນດາໜໍ່ແໜງທີ່ສ້າງຄວາມບໍ່ສະຫງົບ ທາງດ້ານການເມືອງ ຄວາມບໍ່ເປັນລະບຽບຮຽບຮ້ອຍທາງສັງຄົມ ໃຫ້ຫຼຸດນ້ອຍລົງ.

Off

Comments are closed.