24th Jun2021

ກອງປະຊຸມສ້າງແຜນກໍານົດ ພະນັກງານນໍາພາ-ຄຸ້ມຄອງຕາມຂັ້ນຄຸ້ມຄອງຂອງແຂວງ

by somchan

ວັນທີ 23 ມີຖຸນາ 2011 ນີ້ຢູ່ທີ່ສະໂມສອນເມືອງຮຸນ ໄດ້ຈັດກອງປະຊຸມສ້າງແຜນກໍານົພະນັກງານນໍາພາ-ຄຸ້ມຄອງຕາມຂັ້ນຄຸ້ມຄອງຂອງແຂວງ ຢູ່ເມືອງຮຸນ, ພາຍໃຕ້ການເປັນປະທານຂອງ ອີນຫາ ລືນາມມະຈັກ ກໍາມະການພັກແຂວງ ເລຂາພັກເມືອງ ເຈົ້າເມືອງໆຮຸນ, ມີທ່ານ ພົມມາ ວັນນະກໍາ ກໍາມະການພັກແຂວງ ຫົວຫນ້າພະແນກພາຍໃນແຂວງອຸດົມໄຊ ຄະນະຮັບຜິດຊອບການຂຶ້ນແຜນກໍາ ນົດພະນັກງານນໍາພາ – ຄຸ້ມຄອງຂັ້ນແຂວງ, ມີຄະນະປະຈາພັກເມືອງ ຄະນະພັກ ຫົວຫນ້າ ຮອງຫົວຫນ້າ ຫ້ອງການ ສອງກອງບັນຊາການ ທະຫານ ຕໍາຫຼວດ ໂຮງຮຽນ ໂຮງຫມໍ, ພະນັກງານຫຼັກແຫຼ່ງ ແລະ ນາຍບ້ານ 10 ບ້ານເທດສະບານເຂົ້າຮ່ວມ.

ໃນກອງປະຊຸມ ທ່ານ ພົມມາ ວັນນະກໍາ ກໍາມະການພັກແຂວງ ຫົວຫນ້າ ພະແນກພາຍໃນແຂວງອຸດົມໄຊ ຄະນະຮັບຜິດຊອບ ການຂຶ້ນແຜນກໍານົດພະນັກງານນໍາພາ-ຄຸ້ມຄອງຂັ້ນແຂວງ, ໄດ້ມີຄໍາຄິດເຫັນຕໍ່ກອງປະຊຸມໃນການສ້າງແຜນກໍານົດພະນັກງານເປັນວຽກງານທີ່ມີຄວາມສໍາຄັນ ພື້ນຖານຂອງວຽກງານພະນັກງານຮັບປະກັນການຫັນວຽກງານເພື່ອດໍາເນີນຕາມລະບຽບແບບແຜນ ເພື່ອຕອບສະຫນອງຫນ້າທີ່ການເມືອງຂອງພັກ-ລັດ ໃນສະເພາະຫນ້າ ແລະ ຍາວນານເປັນການຫັນຍຸດທະສາດກ່ຽວກັບ ວຽກງານພະນັກງານອັນລະອຽດສ້າງໂຄງການສັງລວມພື້ນຖານໃຫ້ແກ່ການສ້າງແຜນກໍ່ສ້າງ-ປັບປຸງ ຄາດຄະເນສັບຊ້ອນ, ຈັດວາງພະນັກງານຢ່າງສົມເຫດສົມຜົນ.

ຈາກນັ້ນ ນາງ ລີຈັນ ສີສຸທໍາ ຮອງຫົວຫນ້າ ຄະນະຈັກຕັ້ງແຂວງອຸດົມໄຊ ໄດ້ຜ່ານມະຕິວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ ຂອງກົມການເມືອງສູນກາງພັກ ແລະ ມະຕິວ່າດ້ວຍມາດຕະຖານຂອງພະນັກງານນໍາພາ-ຄູ້ມຄອງ ເພື່ອເຮັດໃຫ້ການສ້າງແຜນກໍານົດພະນັກງານ, ເປົ້າຫມາຍພະນັກງານທີ່ຈະຈັດວາງເຂົ້າໃນດໍາ ແຫນ່ງນໍາພາ-ຄຸ້ມຄອງແຕ່ລະຂັ້ນ, ແຕ່ລະຂະແຫນງການສາມາດຮັບປະກັນລັກສະນະສືບທອດປ່ຽນແທນ ຕໍ່ເນື່ອງໃນສະເພາະຫນ້າ ແລະ ຍາວນານ ກຽມປູກບຸກຄະລາກອນຄົບຊຸດຕາມຄວາມຮຽກຮ້ອງຕ້ອງການຂອງບັນດາ ຕໍາແຫນ່ງນໍາພາຄຸ້ມຄອງແຕ່ລະຂັ້ນ.

 

Off

Comments are closed.