25th Jun2021

ຫ້ອງວ່າການ ກະຊວງ ປກສ ເຊືອມຊືມມະຕິກອງປະຊຸມໃຫຍ່ຂອງພັກ XI

by somchan

ຫ້ອງວ່າການກະຊວງ ປ້ອງກັນຄວາມສະຫົງບ ຈັດຕັ້ງເຊືອມຊືມຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ. ໃນວັນທີ 25 ມິຖຸນາ 2021ນີ້, ໂດຍການໃຫ້ກຽດເຜີຍແຜ່ເອກະສານໂດຍ ພົຕ ສົມວັນ ສາຍລ້ອງພາ ຄະນະປະຈຳພັກກະຊວງ ເລຂາຄະນະພັກ ຫົວໜ້າຫ້ອງວ່າການ ກະຊວງປ້ອງກັນຄວາມສະຫົງບ, ມີຄະນະພັກ, ຄະນະກົມອ້ອມຂ້າງຫ້ອງວ່າການເຂົ້າຮ່ວມ.

ເອກະສານທີ່ນຳມາເຜີຍແຜ່ເຊືອມຊືມຄັ້ງນີ້ມີ ມະຕິກອງປະຊຸມໃຫຍ່ ຄັ້ງທີ XI  ຂອງພັກ, ເອກະສານເນື້ອໃນລາຍງານການເມືອງຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ກົດລະບຽບຂອງພັກປະຊາຊົນປະຕິວັດລາວ ສະໄໝທີ XI, ບົດສູນທອນພົດຂອງສະຫາຍ ທອງລຸນ ສີສຸລິດ ເລຂາທິການໃຫຍ່ພັກປະຊາຊົນປະຕິວັດລາວ ປະທານປະເທດ ຕໍ່ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 60 ປີ. ການເຜີຍແຜ່ເຊືອມຊືມ ແລະຜັນຂະຫຍາຍມະຕິກອງ ປະຊຸມໃຫຍ່ ຄັ້ງທີ XI ຂອງພັກ ແນໃສ່ໃຫ້ຄະນະພັກ-ຄະນະນຳແຕ່ລະຂັ້ນ ຮັບຮູ້ ເຂົ້າໃຈ ຢ່າງ ເລິກເຊິ່ງ ແລະ ກຳແໜ້ນເນື້ອໃນຂອງມະຕິ XI ຂອງພັກ, ໂດຍສະເພາະ ແມ່ນເນື້ອໃນທີ່ສຳຄັນຕົ້ນຕໍ ແລະ ວຽກງານຈຸດສຸມທີ່ຕ້ອງເອົາໃຈໃສ່ນໍາພາ-ຊີ້ນໍາໃນແຕ່ລະຂົງເຂດວຽກງານ ຕາມຄວາມຮັບຜິດຊອບຂອງຕົນ ໃນການຫັນມະຕິກອງປະຊຸມໃຫຍ່ ຄັ້ງທີ XI ຂອງພັກ ໃຫ້ ເປັນແຜນງານ, ໂຄງການແລະກິດຈະກໍາລະອຽດຂອງຕົນ ເພື່ອຈັດຕັ້ງປະຕິບັດໃຫ້ເກີດໝາກເກີດຜົນຕົວຈິງ.

ໃນວັນດຽວກັນ ກົມຕຳຫຼວດຄຸມຂັງດັດສ້າງ ກະຊວງປ້ອງກັນຄວາມສະຫົງບກໍໄດ້ເຊືອມຊືມມະຕິກອງປະຊຸມໃຫຍ່ຄັ້ງທີ XI ຂອງພັກ ເຊັນດຽວກັນ, ໃຫ້ກຽດເຜີຍແຜ່ເອກະສານໂດຍ ພົຈວ ສົມລິດ ດາວຮຸ່ງສຸລິ ຄະນະພັກກະຊວງ ເລຂາຄະນະພັກ ຫົວໜ້າກົມຕຳຫຼວດຄຸມຂັງດັດສ້າງ, ມີຄະນະພັກກົມ, ຄະນະໜ່ວຍພັກຮາກຖານ ແລະ ສະມາຊິກພັກເຂົ້າຮ່ວມ.

Off

Comments are closed.