ສ ປປ ລາວ ພົບຜູ້ຕິດເຊື້ອ COVID-19 ເພີ່ມ 6 ຄົນ

ວັນທີ 26 ມີຖຸນາ 2021  ສ ປປ ລາວ ພົບຜູ້ຕິດເຊື້ອໃຫມ່ 6 ຄົນ ໃນນັ້ນ ສະຫວັນນະເຂດ 3 ຄົນ ແລະ ຈຳປາສັກ 3 ຄົນ ເຊີ່ງເປັນກໍລະນີນຳເຂົ້າ  ສຳລັບນະຄອນຫລວງວຽງຈັນ ແມ່ນບໍ່ພົບຜູ້ຕິດເຊື້ອໃຫມ່ ດຣ.  ພອນປະເສີດ ໄຊຍະມຸງຄຸນ      ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ໄດ້ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19, ຖະແຫຼງຂ່າວປະຈຳ ມື້ວັນເສົາ 26 ມີຖຸນາ 2021 .

ສະເພາະ ມື້ວານນີ້ໄດ້ເກັບຕົວຢ່າງມາກວດວິເຄາະທັງໝົດ 1552 ຄົນ;  ຜົນກວດວິເຄາະທັງໝົດ ແມ່ນພົບຜູ້ຕິດເຊື້ອໃໝ່ 6 ຄົນ, ປະຈຸບັນ ທົ່ວປະເທດ ມີຜູ້ຕິດເຊື້ອສະສົມທັງຫມົດ   2,100  ຄົນ  ແລະ ກໍລະນີເສຍຊີວິດສະສົມ  3  ຄົນ.