30th Jun2021

ທະຫານ ແຂວງສະຫວັນນະເຂດ ມອບຜູ້ຖືກຫາ ຄະດີຢາເສບຕິດ ພ້ອມຂອງກາງ ໃຫ້ ປກສ ແຂວງສືບຕໍ່ດຳເນີນຄະດີ

by somchan

ວັນທີ 24 ມິຖຸນານີ້ ກອງບັນຊາການທະຫານ ແຂວງສະຫວັນນະເຂດ ມອບຜູ້ຖືກຫາຄະດີຢາເສບຕິດ ພ້ອມຂອງກາງຄັນຊາ ຈຳນວນ 18 ແທ່ງ ແລະ ຢາບ້າ 32 ຖົງ, ໃຫ້ກອງບັນຊາການ ປກສ ແຂວງສະຫວັນນະເຂດ ນຳໄປສືບຕໍ່ດຳເນີນຄະດີຕາມກົດໝາຍ.

ພັທ ບຸນເລີດ ຂະທຸມພົມ ຮອງກອງບັນຊາການ ປກສ ແຂວງ ສະຫວັນນະເຂດ ໃຫ້ຮູ້ວ່າ: ໃນວັນທີ 24 ມິຖຸນາ, ເຈົ້າໜ້າທີ່ທະຫານຊາຍແດນ 324 ກອງບັນຊາການທະຫານ ແຂວງສະຫວັນນະເຂດ ໄດ້ອອກກວດກາລາດຕະເວນ ແລ້ວພົບເຫັນເຮືອ ຂັບຂີ່ເວັ້ນດອນກາງຂອງ ຈຸດກວດກາຂອງເຈົ້າໜ້າທີ່ທະຫານຊາຍແດນ ມຸ້ງໜ້າກຽມຈະຂ້າມໄປຝັ່ງປະເທດໄທ.ຈາກນັ້ນ, ເຈົ້າໜ້າທີ່ທະຫານ ຈຶ່ງລັດສະກັດເຮືອລໍາດັ່ງກ່າວ ແລະ ໄດ້ກວດຄົ້ນເຮືອພົບເຫັນ ກັນຊາແຫ້ງອັດແທ່ງຈໍານວນ 18 ແທ່ງ ຢາບ້າຈໍານວນ 32 ຖົງ ແລະ ໄດ້ກັກຕົວຄົນຂັບເຮືອລຳດັ່ງກ່າວ ຊື່ ທ້າວ ພອນສະຫວັນ ຫຼື ຫຳ ອາຍຸ 24 ປີ ຢູ່ບ້ານວຽງສະຫວັນ ນະຄອນໄກສອນ ພົມວິຫານ.

ປະຈຸບັນເຈົ້າໜ້າທີພວມດຳເນີນຄະດີຕາມຂັ້ນຕອນຂອງກົດໝາຍ.

 

Off

Comments are closed.