30th Jun2021

ຄ້າຍຄຸມຂັງຕານປ່ຽວ ເຊື່ອມຊືມມະຕິກອງປະຊຸມໃຫຍ່ ຄັ້ງທີ XI ຂອງພັກ

by somchan

ໃນວັນທີ 29 ມິຖຸນາ 2021, ຄ້າຍຄຸມຂັງຕານປ່ຽວ ກົມຕຳຫຼວດຄຸມຂັງ-ດັດສ້າງ ກະຊວງ ປກສ ໄດ້ຈັດຕັ້ງເຊືອມຊືມເອກະສານສຳຄັນ ຂອງພັກ ໃຫ້ກຽດເຜີຍແຜ່ເອກະສານໂດຍ ພັອ ພັດສະດີ ນວນອາສາຮອງເລຂາຄະນະພັກກົມ ຮອງຫົວໜ້າກົມຕຳຫຼວດຄຸມຂັງ-ດັດສ້າງ, ມີຄະນະພັກ, ພະນັກງານຫຼັກແຫຼ່ງເຂົ້າຮ່ວມ.

ເອກະສານທີ່ນຳມາເຜີຍແຜ່ເຊືອມຊືມຄັ້ງນີ້ມີ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ເອກະສານເນື້ອໃນລາຍງານການເມືອງຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ກົດລະບຽບຂອງພັກປະຊາຊົນປະຕິວັດລາວ ສະໄໝທີ XI, ແຜນດຳເນີນງານຂອງຄະນະບໍລິຫານງານພັກກະຊວງປ້ອງກັນຄວາມສະຫົງບ ສະໄໝທີ V ແລະ ບົດສູນທອນພົດຂອງສະຫາຍ ທອງລຸນ ສີສຸລິດ ເລຂາທິການໃຫຍ່ພັກປະຊາຊົນປະຕິວັດລາວ ປະທານປະເທດ ຕໍ່ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 60 ປີ.

ພັອ ພັດສະດີ ນວນອາສາ ກ່າວວ່າ: ການເຜີຍແຜ່ເຊືອມຊືມເອກະສານສຳຄັນຂອງພັກໃນຄັງນີ້ກໍ່ເພື່ອ ແນໃສ່ໃຫ້ຄະນະພັກ-ຄະນະບັນຊາ ຮັບຮູ້ ເຂົ້າໃຈ ຢ່າງເລິກເຊິ່ງ ແລະ ກຳແໜ້ນເນື້ອໃນ ທີ່ສຳຄັນຕົ້ນຕໍ ແລະ ວຽກງານຈຸດສຸມທີ່ຕ້ອງເອົາໃຈໃສ່ນໍາພາ-ຊີ້ນໍາໃນແຕ່ລະຂົງເຂດວຽກງານ ຕາມຄວາມຮັບຜິດຊອບຂອງຕົນ ໃນການຫັນມະຕິກອງປະຊຸມໃຫຍ່ ຄັ້ງທີ XI ຂອງພັກ ໃຫ້ເປັນແຜນງານ, ໂຄງການ ແລະ ກິດຈະກໍາລະອຽດຂອງຕົນ ເພື່ອຈັດຕັ້ງປະຕິບັດໃຫ້ເກີດໝາກເກີດຜົນຕົວຈິງ ແລະ ເພື່ອສ້າງຄວາມເຂົ້າໃຈເປັນເອກະພາບຕໍ່ເນື້ອໃນຕົ້ນຕໍ ຂອງມະຕິກອງປະຊຸມໃຫຍ່ຄັ້ງທີ V ຂອງອົງຄະນະ ພັກກະຊວງປ້ອງກັນຄວາມສະຫງົບ ເພື່ອກໍານົດແບບແຜນເຄື່ອນໄຫວ ແລະ ວິທີນໍາພາ ຂອງຄະນະບໍລິຫານງານພັກກະຊວງ ໃຫ້ຈະແຈ້ງເປັນລະບົບ, ມີຈຸດສຸມ, ຮັບປະກັນສ້າງການຫັນປ່ຽນ ໃໝ່ທີ່ແຂງແຮງ, ເລິກເຊິ່ງ, ຮອບດ້ານ ສ້າງຄວາມເຊື່ອໝັ້ນຢ່າງໜັກແໜ້ນຂອງສັງຄົມ ຕໍ່ການນໍາພາຂອງຄະນະພັກໃຫ້ສູງຂຶ້ນ, ດ້ວຍການສົມທົບຢ່າງກົມກຽວລະຫວ່າງການແກ້ໄຂບັນຫາທີ່ເປັນພື້ນຖານ ທີ່ໄດ້ຮັບຮອງໃນກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງ ກັບການແກ້ໄຂບັນຫາ ຕ່າງໆທີ່ອາດຈະເກີດຂຶ້ນ ໃນແຕ່ລະໄລຍະໃຫ້ສອດຄ່ອງກັບທີ່ຕັ້ງ, ພາລະບົດບາດ ແລະ ຂອບເຂດຄວາມຮັບຜິດຊອບ ຂອງຄະນະບໍລິຫານງານພັກກະຊວງ. ເພື່ອເປັນບ່ອນອີງໃຫ້ແກ່ການກຳນົດຄວາມຮັບຜິດຊອບ, ສົ່ງເສີມຄວາມເປັນເຈົ້າການກ້າຄິດ, ກ້າເຮັດ, ກ້າຮັບຜິດຊອບ ຂອງບັນດາຄະນະພັກ, ທັງເປັນບ່ອນອີງ ໃນການຕີລາຄາຄວາມສາມາດນຳພາ ຂອງແຕ່ລະສະຫາຍໃນວຽກງານທີ່ຕົນຮັບຜິດຊອບ.

ໃນໂອກາດນີ້, ທ່ານຍັງໄດ້ເນັ້ນໃຫ້ຄະນະພັກ-ຄະນະບັນຊາ, ພະນັກງານ-ນັກຮົບພາຍໃນຄ້າຍ ຈົ່ງພ້ອມກັນນຳເອົາເນື້ອໃນຂອງເອກະສານດັ່ງກ່າວໄປຈັດຕັ້ງຜັນຂະຫຍາຍເຂົ້າໃນວຽກງານຂອງຕົນໃຫ້ປະກົດຜົນເປັນຈິງ.

Off

Comments are closed.