12th Dec2014

ຕິດຕາມລົດກະບະດີແມັກຕຳແລ້ວໜີ ຢຶດຢາບ້າ ເກືອບ 8 ພັນເມັດ

by somchan

ວັນທີ 8 ທັນວານີ້ ໄດ້ເກີດອຸບັດຕິເຫດລົດກະບະອິຊູຊຸ ດີແມັກ ໝາຍເລກທະບຽນ ຂຕ 8118 ກຳແພງນະຄອນ ຕຳລົດວີໂກ້ ຢູ່ເຂດບ້ານສົບລາບ ເມືອງຫົວເມືອງ ແຂວງຫົວພັນແລ້ວລົບໜີ.

ພາຍຫລັງໄດ້ຮັບແຈ້ງຄວາມຈາກລົດກະບະວີໂກ້ທີ່ຖືກຕຳ ເຈົ້າໜ້າທີ່ເມືອງຫົວເມືອງ ໄດ້ປະສານສົມທົບກັບເຈົ້າໜ້າທີ່ຕຳຫຼວດ ຈະລາຈອນ ປກສ ແຂວງຕິດຕາມຈັບຕົວຜູ້ກະທຳຜິດ ມາດຳເນີນຄະດີ, ໃນເວລາຕໍ່ມາ ເຈົ້າໜ້າທີ່ຕຳຫຼວດຈະລາຈອນທີ່ປະຈຳຢູ່ເຂດພູທະນູ ເມືອງຊຳເໜືອ ໄດ້ພົບເຫັນລົດຄັນດັ່ງກ່າວຈຶ່ງໄດ້ເຂົ້າກັກລົດເຊິ່ງ ຂັບຂີ່ໂດຍທ້າວໄຊສະຫຼີ ອາຍຸ 20 ປີ ແລະ ທ້າວທາວີຈາງ ອາຍຸ 16 ປີ ທັງສອງຢູ່ບ້ານພູຂຽວ ເມືອງໄຊ ແຂວງ ອຸດົມໄຊ, ຊື່ງເຈົ້າໜ້າທີ່ໄດ້ພົບພິລຸດຂອງທັງສອງ ຈຶ່ງໄດ້ກວດຄົ້ນພາຍໃນລົດໄດ້ພົບເຫັນຢາບ້າ 7.955 ເມັດ ນ້ຳໜັກເກືອບ 1 ກິໂລກຣາມ ເງິນສົດຈຳນວນ 2 ລ້ານກີບ ເງິນບາດ 4 ພັນບາດ, ໂທລະສັບ 1 ໜ່ວຍ.

ປະຈຸບັນເຈົ້າໜ້າທີ່ຕຳຫຼວດພວມຂະຫຍາຍຜົນຫາຜູ້ຮ່ວມຂະບວນການມາລົງໂທດຕາມລະບຽບກົດໝາຍ.

huan-phan-8-12-2014

Off

Comments are closed.