18th Mar2015

ບຸກຈັບຄາເຮືອນພັກພົບຢາໄອສ 7 ກິໂລກຣາມ

by somchan

ໃນວັນທີ 20 ກຸມພາ 2015 ເຈົ້າໜ້າທີ່ສະກັດກັ້ນແລະຕ້ານຢາ ເສບຕິດແຂວງຫຼວງນ້ຳທາຮ່ວມກັບໜ່ວຍສະກິດກົມສະກັດກັ້ນ ແລະຕ້ານຢາເສບຕິດກະຊວງປ້ອງກັນຄວາມສະຫງົບຈັບກຸ່ມ ເປົ້າໝາຍຄ້າຂາຍຢາໄອລາຍໃຫຍ່ທີ່ພັກເຊົາຢູ່ເຮືອນພັກທີ່ຄິວລົດ ເມືອງຫ້ວຍຊາຍແຂວງບໍ່ແກ້ວຜ່ານການກວດຄົ້ນຫ້ອງຂອງ ເປົ້າໝາຍພົບຢາໄອ ຈຳນວນ 7ກິໂລກຣາມພ້ອມທັງຈັບຜູ້ ກະທຳຜິດ 3 ຄົນມາດຳເນີນຄະດີຕາມລະບຽບກົດໝາຍ.

ຜູ້ກະທຳຜິດທັງ 3 ຄົນ ຊື່ທ້າວ ບຸນພັດ ອາຍຸ 39 ປີ ຢູ່ບ້ານ ລາດຄູນເມືອງ; ທ້າວ ພູວົງ ອາຍຸ 30 ປີ,ຢູ່ບ້ານດອນມູນ ແລະ ທ້າວ ສິງທອງ ອາຍຸ 23 ປີ ຢູ່ບ້ານລາດຄູນເມືອງ ເມືອງເມິງ ແຂວງບໍ່ແກ້ວ ພ້ອມດ້ວຍຂອງກາງມີຢາໄອສ 7 ກິໂລກຣາມ, ເງິນບາດ 1 ໝື່ນບາດ, ເງິນກີບ 2.500.000 ກີບ, ສາຍຄໍຄ້າຍຄືຄຳ 2 ເສັ້ນ, ແຫວນ 1 ວົງ ແລະ ໂມງ 1 ໜ່ວຍ.

ຜ່ານການສືບສວນຂອງເຈົ້າໜ້າທີ່ໃນເບື່ອງຕົ້ນ ພວກກ່ຽວທັງ 3 ໄດ້ສາລະພາບວ່າ:​ໄດ້ຮ່ວມກັນຄ້າຂາຍຢາເສບຕິບປະເພດຢາໄອສແທ້ ເຊິ່ງຢາເສບຕິດຈຳນວນດັ່ງກ່າວແມ່ນໄດ້ສັ່ງຊື້ນຳພໍ່ຄ້າຄົນໜຶ່ງບໍ່ຮູ້ວ່າຢູ່ບ້ານໃດ, ເພື່ອຈະນຳໄປໃຫ້ລູກຄ້າ ແຕ່ຖືກເຈົ້າໜ້າທີ່ກັກຕົວໄດ້ກ່ອນ.

------7-kg

Off

Comments are closed.