27th Mar2015

ການນຳຂັ້ນສູງກະຊວງປ້ອງກັນຄວາມ ສະຫງົບສຳເລັດການຢ້ຽມຢາມຣາຊະອາ ນາຈັກກຳປູເຈຍ

by somchan

sum-let-kan-yeing-yam-Cambodai

ວັນທີ 25 ມີນາ 2015ນີ້ການນຳຂັ້ນສູງກະຊວງປ້ອງກັນຄວາມ ສະຫງົບແຫ່ງ ສປປລາວ ນຳໂດບ ພົນຈັດຕະວາສົມແກ້ວ ສີລາວົງ ກຳມະການສູນກາງພັກຮັກສາການລັດຖະມົນຕີວ່າການ ກະຊວງປ້ອງກັນຄວາມສະຫງົບພ້ອມດ້ວຍຄະນະໄດ້ສຳເລັດ ການຢ້ຽມຢາມຣາຊະອານາຈັກກຳປູເຈຍ ໃນໂອກາດທີ່ທ່ານ ຮັກສາການລັດຖະມົນຕີວ່າການກະຊວງປ້ອງກັນຄວາມສະຫງົບ ໄປຢ້ຽມຢາມຣາຊະອານາຈັກກຳປູເຈຍໃນຄັ້ງນີ້ທ່ານຮັກສາການ ລັດຖະມົນຕີວ່າການກະຊວງປ້ອງກັນຄວາມສະຫງົບໄດ້ເຂົ້າຮ່ວມ ກອງປະຊຸມລັດຖະມົນຕີສອງຝ່າຍຄັ້ງທີ 14 ວ່າດ້ວຍການຮ່ວມມືລະຫວ່າງກະຊວງປ້ອງກັນຄວາມສະຫງົບລາວ ແລະ ກະຊວງພາຍໃນກຳປູເຈຍ ທັງສອງຝ່າຍໄດ້ແລກປ່ຽນບົດຮຽນກ່ຽວກັບການຮັກສາຄວາມສະຫງົບຂອງສອງປະເທດ ແລະ ໄດ້ລົງນາມເຊັນບົດບັນທຶກຮ່ວມມືໃນການເພີ່ມທະວີຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຕາມຊາຍແດນໂດຍຈັດຕັ້ງປະຕິບັດ 5 ວຽກງານຄື: ການຮັກສາຄວາມສະຫງົບ ຄວາມເປັນລະບຽບຮຽບຮ້ອຍ, ການຮ່ວມມືໃນການປ້ອງກັນ ແລະ ປາບປາມຢາເສບຕິດຕາມຊາຍແດນ, ການຮ່ວມມືອຳນວຍຄວາມສະດວກ ແລະຄວາມປອດໄພໃນການເຂົ້າ-ອອກເມືອງ, ການແລກປ່ຽນຢ້ຽມຢາມຂອງຄະນະຜູ້ແທນຂັ້ນສູງ ແລະ ການຮ່ວມມືດ້ານການກໍ່ສ້າງກຳລັງ; ຫຼັງຈາກນັ້ນກໍໄດ້ເຂົ້າຢ້ຽມຂ່ຳນັບ ສົມເດັດ ອັກຄາ ໂທຣາ ເສນາ ປາເດເຕໂຊ ຮຸນເຊັນ ນາຍົກລັດຖະມົນຕີແຫ່ງຣາຊະອານາຈັກກຳປູເຈຍ.

 

Off

Comments are closed.