20th Apr2015

ໄລຍະສະຫຼອງສົ່ງທ້າຍປີເກົ່າ ພສ 2557 ແລະ ຕ້ອນຮັບປີໃໝ່ລາວ

by somchan

ໄລຍະສະຫຼອງສົ່ງທ້າຍປີເກົ່າ ພສ 2557 ແລະ ຕ້ອນຮັບ ປີໃໝ່ລາວ ພສ 2558 ຫຼື ບຸນສົງການສະເພາະວັນທີ 14-16 ເມສາ 2015 ທົ່ວປະເທດມີອຸປະຕິເຫດທາງລົດ ເກີດຂື້ນ 199 ກໍລະນີ ມີຄົນເສຍຊີວິດ 26 ຄົນຖ້າທຽບ ໃສ່ໄລຍະດຽວກັນຂອງປີ 2014ເຫັນວ່າຕົວເລກຜູ້ເສຍ ຊີວິດຍ້ອນອຸປະຕິເຫດຕາມທ້ອງຖະໜົນເພີ່ມຂື້ນ ເຖິງ 15,38% ຫຼື ເພີ່ມຂື້ນ 4 ຄົນ. ເຈົ້າໜ້າ​ທີກົມຕຳຫຼວດຈະລາຈອນກົມ​ໃຫຍ່​ຕຳຫຼວດ ກະຊວງປ້ອງກັນຄວາມສະຫງົບ ໄດ້ເປີດເຜີຍສະຖິຕິອຸປະ​ຄິເຫດທາງຖະໜົນໃນໄລຍະ 3 ວັນ ຂອງການສະເຫຼີມສະຫຼອງປີໃໝ່ລາວປີນີ້ໃຫ້ຮູ້ວ່າສະພາບອຸປະຕິເຫດທາງລົດເກີດຂື້ນທົ່ວ​ປະ​ເທດມີ 199 ກໍລະນີຖ້າ​ທຽບ​ໃສ່ໃນໄລຍະດຽວກັນ ຂອງປີ2014ເພີ​ມຂື້ນເຖິງ 5,52% ຫຼື ເພີ່ມຂື້ນ 11 ກໍລະນີ ໃນນີ້ເກີດຂື້ນຫຼາຍກວ່າໝູ່ແມ່ນຢູ່ ແຂວງຈຳປາສັກມີ 36 ລາຍ ຮອງລົງມາແມ່ນນະຄອນຫຼວງວຽງຈັນມີ 32 ລາຍ ແຂວງວຽງຈັນ 30 ລາຍ ແຂວງສະຫວັນນະເຂດ 15 ລາຍ ອຸດົມໄຊ 14 ລາຍ ຫຼວງພະບາງ 13 ລາຍ ແລະ ແຂວງ ບໍລິຄຳໄຊ 12 ລາຍ. ນອກນັ້ນແມ່ນ ບັນດາແຂວງອື່ນໆ ​ແລະ ໜ້ອຍກວ່າໜູ່ແມ່ນແຂວງໄຊສົມບູນມີ 1 ລາຍ. ສ່ວນຕົວເລກຄົນເສຍຊີວິດຍ້ອນອຸບັດເຫດໄລຍະ 3 ວັນຂອງ​ການ​ສະຫຼອງ​ປີ​ໃໝ່​ລາວ ພສ 2558 ຫຼາຍກວ່າໝູ່ແມ່ນ ນະຄອນຫຼວງວຽງຈັນ ແລະ ໄຊຍະບູລີ ແຂວງລະ  5 ຄົນ,  ຮອງລົງມາແມ່ນຈຳປາສັກ 4 ຄົນ, ບໍ່ແກ້ວ 3 ຄົນ, ອຸດົມໄຊ , ບໍລິຄຳໄຊ, ວຽງຈັນ ແຂວງລະ 2 ຄົນ, ສະຫວັນນະເຂດ, ຫຼວງພະບາງ ແລະ ຄຳມ່ວນ ແຂວງລະ 1 ຄົນ.

11062389_10203977698073823_4331409934026968914_n   11090317_375507655975326_4476776645579698119_n      IMG_0532

Off

Comments are closed.