25th May2015

ສະຫຼຸບຄະດີລັກຊັບເດືອນມັງກອນຫາ ເດືອນພຶດສະພາ 2015

by somchan

ພຕ ສຸກພະຈັນ ບຸດດາຄຳ ຫົວໜ້າຫ້ອງ ຕຳຫຼວດກອງບັນຊາການນະຄອນຫຼວງ ວຽງຈັນໄດ້ໃຫ້ຮູ້ວ່າ: ປະກົດການຫຍໍ້ທໍ໊ທີ່ເກີດ ຂຶ້ນໃນນະຄອນຫຼວງວຽງຈັນ ຍັງມີລັກສະ ນະເກີດຂື້ນຢ່າງຕໍ່ເນື່ອງໂດຍສະເພາະ ແມ່ນບັນຫາ ປຸ້ນຊັບ ລັກຊັບ ຊີງຊັບ ນັບແຕ່ ເດືອນມັງກອນ ຫາເດືອນພຶດສະພາ 2015 ນີ້ ຄະດີລັກຊັບເກີດຂຶ້ນ 262 ຄັ້ງ,
ມີລົດໃຫຍ່ເສຍຫາຍ 12 ຄັນ ແລະ ລົດຈັກ 295 ຄັນ, ຕໍກັບປະກົດການຫຍໍ້ທໍ້ຕ່າງໆທີ່ເກີດຂຶ້ນທາງເຈົ້າໜ້າທີ່ໄດ້ສຸມໃສ່ແກ້ໄຂ ແລະສາມາດແກ້ໄຂໄດ້ ຫຼາຍຄະດີ ອັນເດັ່ນກ່າວໝູ່ແມ່ນວັນທີ 18 ພຶດສະພາ 2015ນີ້ ເຈົ້າໜ້າທີ່ຕຳຫຼວດນະຄອນຫຼວງວຽງຈັນ ສົມທົບກັບພາສ່ວນກ່ຽວຂ້ອງ ສາມາດກັກຕົວກຸ່ມລັກລົດໃຫຍ່ໄດ້ 03 ຄົນ ພ້ອມລົດວິໂກ້ 01 ຄັນ , ຜ່ານການ ສືບສວນ-ສອບສວນຂອງເຈົ້າໜ້າທີ່ ພວກກ່ຽວ ໄດ້ຮັບສາລະພາບວ່າ ແຕ່ເດືອນເມສາຫາເດືອນພຶດສະພາ 2015 ພວກກ່ຽວໄດ້ຮ່ວມກັນລັກລົດໃຫຍ່ 06 ຄັ້ງ, ຕໍ່ກັບບັນຫາດັ່ງກ່າວ ທາງເຈົ້າໜ້າທີ່ຍັງໄດ້ສືບຕໍ່ ຂະຫຍາຍຜົນຈັບຕົວຜູ້ຮ່ວມຂະບວນການ ແລະ ເກັຍກູ້ຜົນາສຍຫາຍສົ່ງໃຫ້ເຈົ້າຂອງເດີມ.

Off

Comments are closed.