03rd Aug2015

ມ້າງກຸ່ມມົ້ວສຸມຢາເສບຕິດ.

by somchan

ໃນວັນທີ 28 ກໍລະກົດ 2015 ເຈົ້າໜ້າຮທີ່ສະເພາະກິດ ປກສ ເມືອງໄຊເຊດຖາ ນະຄອນຫຼວງວຽງຈັນຮ່ວມກັນກຸ່ມ 4 ໂນນຫວາຍ ແລະ ປກສ ບ້ານໂນນຄໍ້ໃຕ້ລົງແກ້ໄຂກຸ່ມມົ້ວສຸມຢາເສບຕິດ ຢູ່ຮ່ວມ 2 ບ້ານໂນນຄໍ້ໃຕ້ ເມືອງໄຊເຊດຖາເຊິ່ງເປັນຫ້ອງເຊົ່າທີ່ນາງມົນອາຍຸ 32 ປີມາພັກເຊົ່າຢູ່, ເຈົ້າໜ້າທີ່ສາມາດກັກຕົວຜູ້ມົ້ວສຸມໄດ້ທັງໝົດ 48 ຄົນ, ຍິງ 2 ຄົນລົດຈັກ 30 ຄັນ ພ້ອມອຸປະກອບເສບບ້ານຈຳນວນໜຶ່ງ.

ພັນຕີ ພູທອນ ບຸນທະວົງ ຮອງ ປກສ ກຸຸ່ມ 4 ໂນນຫວາຍກ່າວວ່າ: ພາຍຫຼັງປະຊາຊົນໄດ້ແໄດ້ແຈ້ງປກສ ກຸ່ມວ່າ: ຈຸດດັ່ງກ່າວມີຄ້າຂາຍ ແລະ ມົ້ວສຸມຢາເສບຕິດເປັນປະຈຳ, ບາງຄັ້ງກໍມີການຜິດຖຽງອາລະວາດຕີກັນ ເຊິ່ງຄວາມສ້າງຄວາມບໍ່ສະຫງົບເຈົ້າໜ້າທີ່ ປກສ ກຸ່ມຈຶ່ງໄດ້ຮ່ວມກັບ ປກສ ບ້ານລົງຕິດຕາມຈຸດເປົ້າໝາຍດັ່ງກ່າວ ເຫັນວ່າມີມູນຄວາມຈິງ, ຈຶ່ງໄດ້ປະສານກັບເຈົ້າໜ້າທີ່ທີ່ກ້ຽວຂ້ອງລົງມ້າງກຸ່ມແກ້ງມົ້ວສຸມຢາເສບຕິດ; ສາມາດກັກຕົວຜູ້ມົ້ວສຸມໄດ້ທັງໝົດ 48 ຄົນ, ລົດຈັກ 30 ຄັນພ້ອມອຸປະກອນການເສບຈຳນວນໜຶ່ງ, ຜູ້ຕ້ອງຫາມົ້ວສຸມຢາເສບຕິດທີ່ກັກຕົວໄດ້ແມ່ນມາພັກເຊົ່າຢູ່ພາຍໃນບ້ານໂນນຄໍ້ ແລະ ອາໄສຢູ່ບໍລິເວນໃກ້ຄຽງ ເຊິ່ງສ່ວນຫຼາຍປະກອບອາຊີບກຳມະກອນ. ໃນໄລຍະຜ່ານມາຈຸດດັ່ງກ່າວທາງເຈົ້າໜ້າທີ່ເຄີຍນຳເອົາເຈົ້າຂອງໄປສຶກສາອົບຮົມກ່າວເຕືອນມາແລ້ວແຕ່ຜູ້ກ່ຽວກໍບໍ່ເຄັດຫຼາບ.

ທ່ານກ່າວຕື່ມອີກວ່າ: ບັນຫາມົ້ວສຸມຢາເສບຕິດຢູ່ພາຍໃນກຸ່ມບ້ານບ້ານໂນນຄໍ້ເຈົ້າໜ້າທີ່ໄດ້ມີການແກ້ໄຂ ແລະ ໄດ້ມີການສຶກສາອົບຮົມກ່າວຜູ້ກະທຳຜິດມາແລ້ວຫຼາຍຄັ້ງ, ແຕ່ມີກຸ່ມຄົນບໍ່ດີຍັງບໍ່ເຄັດຫຼາບມີການຝ່າຝືນ, ດັ່ງນັ້ນຈຶ່ງຮຽກຮ້ອງມາຍັງພໍ່ແມ່ຜູ້ປົກຄອງພາຍໃນກຸ່ມ 4 ໂນນຄໍ້ຈົ່ງເອົາໃຈໃສ່ສຶກສາອົບຕັກເຕືອນລູກຫຼານຕົນເອງບໍ່ໃຫ້ພົວພັນກັບສິ່ງເສບຕິເພື່ອເຮັດໃຫ້ສັງຄົມມີຄວາມສະຫົງບ ແລະເປັນລະບຽບຮຽບຮ້ອຍ.

-------------------

Off

Comments are closed.