07th Dec2021

ເຈົ້າເມືອງປາກທາ ມອບເຄື່ອງຊ່ວຍເຫລືອໃຫ້ເຈົ້າຫນ້າທີ່ປ້ອງກັນເວນຍາມຢູ່ ບ້ານໃຫຍ່ປາກທາ.

by somda phoneor

ໃນວັນທີ 6 ທັນວາ ນີ້, ທ່ານ ສໄລ ດວງຜາຄໍາ ເຈົ້າເມືອງປາກທາ ແຂວງບໍ່ແກ້ວ ແລະ ທ່ານ ນາງ ຈັນສຸກ ວັນນະວົງ ຮອງເຈົ້າເມືອງ, ຫົວຫນ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ19 ຂັ້ນເມືອງ ລົງຊຸກຍູ້ ແລະ ມອບເຄື່ອງອຸປະໂພກ-ບໍລິໂພກ ແລະ ອຸປະກອນປ້ອງກັນໂຄວິດ-19 ໃຫ້ຫ້ອງການສາທາລະນາສຸກ, ໂຮງຫມໍເມືອງ, ທະຫານ, ຕໍາຫຼວດ ທີ່ ຈັດຕັ້ງເວນຍາມຢູ່ບ້ານໃຫຍ່ປາກທາ ແລະ ຄອບຄົວທີ່ກໍາລັງປິ່ນປົວພະຍາດໂຄວິດ-19 ຢູ່ເຮືອນ.

ເຄື່ອງທີ່ນໍາມາມອບໃນຄັ້ງນີ້ ປະກອບມີ: ໄຂ່ໄກ່ 15 ແຕະ, ຫມີ 15 ແກັດ, ໂອວັນຕິນ 15 ຖົງ. ກາເຟ 15 ຖົງ, ນ້ໍາດື່ມ 15 ແກັດ, ຜ້າອັດປາກ-ດັງ 12 ກັບ, ເຈວລ້າງມື 4 ກ່ອງ ລວມມູນຄ່າ 3.500.000 ກີບ.

ໂອກາດນີ້, ທ່ານ ສຸໄລ ດວງຜາຄໍາ ກໍໄດ້ເນັ້ນຫນັກໃຫ້ທະຫານ, ຕໍາຫລວດ ແລະ ຄະນະບ້ານຈົ່ງ ເອົາໃຈໃສ່ເຂັ້ມງວດ, ຫ້າມບໍ່ໃຫ້ຄົນໃນອອກຄົນນອກ ເຂົ້າ ເພື່ອປ້ອງກັນບໍ່ໃຫ້ເຊື້ອພະຍາດດັ່ງກ່າວ ກະຈາຍອອກເປັນວົງກວ້າງ, ໃຫ້ເອົາໃຈໃສ່ປະຕິບັດຫນ້າທີ່ການເມືອງຂອງຕົນທີ່ໄດ້ຮັບມອບຫມາຍ ໃຫ້.

Off

Comments are closed.