07th Dec2021

ເຈົ້າໜ້າທີ່ຕຳຫຼວດ ປກສ ແຂວງບໍ່ແກ້ວ ຢືດແປ້ງຝຸ່ນສີຂາວໄດ້ 289 ເປົາ.

by somda phoneor

ເຈົ້າຫນ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ໃຫ້ຮູ້ວ່າ: ໃນວັນທີ 5 ທັນວາ 2021 ໄດ້ຮັບລາຍງານຈາກພົນລະເມືອງດີວ່າ: ຈະມີການຂົນແປ້ງຝຸ່ນສີຂາວ ມາ ພັກເຊົາຢູ່ ເຂດບ້ານທົ່ງແສງຈັນ ເມືອງຫ້ວຍຊາຍ ແຂວງ ບໍ່ແກ້ວ, ຜ່ານການຕິດຕາມຂອງເຈົ້າຫນ້າທີ່ ເຫັນວ່າມີມູນຄວາມຈິງ ເຊິ່ງຈຸດດັ່ງກ່າວ ເປັນເຄຫະສະຖານຂອງ ທ້າວ ສຸບັນ ອາຍຸ 32 ປີ ອາຊີບຄ້າຂາຍ ຢູ່ບ້ານ ທົ່ງແສງຈັນ ເມືອງຫ້ວຍຊາຍ ແຂວງ ບໍ່ແກ້ວ,

ໃນເວລາ 21 ໂມງຂອງວັນດຽວກັນໄດ້ ເຫັນລົດກະບະລີໂວສີຂາວ ເລກທະບຽນ ຂຂ 2222 ບໍ່ແກ້ວ ແລ່ນເຂົ້າມາ ຈຸດດັ່ງກ່າວ ເຈົ້າຫນ້າທີ່ຈື່ງ ໄດ້ຈັດຕັ້ງກໍາລັງເພື່ອກວດກາ ແຕ່ເປົ້າຫມາຍຮູ້ຕົວກ່ອນຈື່ງໄດ້ເອົາຕົວຫລົບຫນີ ຈໍານວນ 2 ຄົນ.

ມາໃນວັນທີ 6 ທັນວາ 2021 ເຈົ້າຫນ້າທີ່ຕໍາຫຼວດໄດ້ທໍາການກວດຄົ້ນລົດຄັນດັ່ງກ່າວພົບເຫັນ ແປ້ງຝຸ່ນສີຂາວ ຈໍານວນ 12 ເປົາຊຸກເຊື່ອງຢູ່ໃນລົດ, ຈາກນັ້ນກໍໄດ້ທໍາການກວດຄົ້ນເຄຫະສະຖານ ຂອງທ້າວ ສຸບັນ ພົບແປ້ງຝຸ່ນສີຂາວອີກ 277 ເປົາ ລວມທັງຫມົດເປັນ 289 ເປົາ, ເຈົ້າຫນ້າທີ່ຈື່ງໄດ້ກັກ ຕົວ ທ້າວ ສຸບັນ ພ້ອມເຄື່ອງຂອງກາງຈໍານວນດັ່ງກ່າວເພື່ອດໍາເນີນການສືບສວນ-ສອບສວນ. ສໍາລັບ ຊາຍສອງຄົນທີ່ໄດ້ເອົາຕົວຫຼົບຫນີທາງເຈົ້າຫນ້າທີ່ພວມດໍາເນີນການສືບຄົ້ນຫາ ເພື່ອນໍາມາດໍາເນີນຄະດີ ຕາມກົດຫມາຍ.

Off

Comments are closed.