10th Dec2021

ຄ້າຍຄຸມຂັງ-ດັດສ້າງ ປກສ ແຂວງ ບໍລິຄໍາໄຊໄດ້ຈັດພິທີອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດ

by Peaung Thanonkeo

ໃນວັນທີ 9 ທັນວາ 2021 ນີ້ຢູ່ທີ່ ຄ້າຍຄຸມຂັງ-ດັດສ້າງກອງບັນຊາການ ປກສ ແຂວງ ບໍລິຄໍາໄຊ. ໄດ້ຈັດພິທີປະກາດອະໄພຍະໂທດຫຼຸດຜ່ອນໂທດ ແລະ ປ່ອຍຕົວນັກໂທດຜູ້ທີ່ມີມາດຖານ ແລະ ເງື່ອນໄຂຄົບຖ້ວນ ຕາມກົດລະບຽບຂອງຄ້າຍຄຸມຂັງ-ດັດສ້າງ ແລະ ກົດໝາຍໄດ້ກໍານົດໄວ້ ເນື່ອງໃນໂອກາດ ວັນຊາດທີ 2 ທັນວາ 2021 ຄົບຮອບ 46 ປີ ແລະ ຊ່ວງໄລຍະການປ້ອງກັນສະກັດກັ້ນການຄວບຄຸມການແຜ່ລະບາດຂອງເຊື້ອພະຍາດໂຄວິດ-19 ປະຈຳປີ 2021 ໂດຍການໃຫ້ກຽດ ເປັນປະທານ ຂອງທ່ານ ຄໍາແຫວນ ປັນຍານຸວົງ ຮອງເຈົ້າແຂວງ ບໍລິຄໍາໄຊ, ມີ ພັທ ເຄນວອນ ລໍວັນໄຊ ຮອງຫົວໜ້າກອງບັນຊາການ ປກສ ແຂວງບໍລິຄາໄຊ, ທ່ານ ທອງໃບ ພຽນວົງ ຫົວໜ້າອົງການໄອຍາການປະຊາຊົນ ແຂວງ, ມີຫົວໜ້າ ຄະນະຄ້າຍຄຸມຂັງ-ດັດສ້າງ ພະນັກງານ-ນັກຮົບພະແນກການອ້ອມຂ້າງທີ່ກ່ຽວຂ້ອງ ພ້ອມດ້ວຍ ນັກໂທດທີ່ໄດ້ຮັບປະຕິບັດນະໂຍບາຍເຂົ້າຮ່ວມ.

ພັທ ວຽງແກ້ວ ພຽນວົງ ຮອງຄ້າຍຄຸມຂັງດັດສ້າງ ປກສ ແຂວງ ບໍລິຄໍາໄຊ ໄດ້ຜ່ານບົດສະຫຼຸບ ການຈັດຕັ້ງປະຕິບັດວຽກງານການອະໄພຍະໂທດ-ຫຼຸດຜ່ອນໂທດໃຫ້ແກ່ນັກໂທດຫຼັງຈາກນັ້ນ, ທ່ານ ທອງໃບ ພຽນວົງ ຫົວໜ້າອົງການໄອຍະການປະຊາຊົນ ແຂວງ ກໍ່ໄດ້ຜ່ານລັດຖະດໍາລັດຂອງປະທານປະເທດແຫ່ງ ສປປ ລາວ ວ່າດ້ວຍການໃຫ້ອະໄພຍະໂທດ-ຫຼຸດຜ່ອນໂທດ, ແກ່ນັກໂທດຜູ້ທີ່ມີຄວາມກ້າວໜ້າ ເນື່ອງໃນໂອກາດ ວັນຊາດ ທີ 02 ທັນວາ 2021 ຄົບຮອບ 46 ປີ  ແລະ ໃນຊ່ວງໄລຍະປ້ອງກັນ, ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ຢູ່ແຂວງ ບໍລິຄໍາໄຊ ປະຈຳປີ 2021 ມີຈໍານວນ 102 ຄົນ, ຍິງ 08 ຄົນ, ຄົນຕ່າງປະເທດ 03 ຄົນ, ໃນນີ້ໄດ້ຮັບການປ່ອຍຕົວ 32 ຄົນ, ຍິງ 07 ຄົນ

ໃນໂອກາດດັ່ງກ່າວທ່ານ ຄໍາແຫວນ ປັນຍານຸວົງ ຮອງເຈົ້າແຂວງ ບໍລິຄໍາໄຊ, ກໍ່ໄດ້ເປັນກຽດໂອ້ລົມຕໍ່ບັນດານັກໂທດທີ່ໄດ້ຮັບການອະໄພຍະໂທດປ່ອຍຕົວໃນຄັ້ງນີ້ ເຊິ່ງທ່ານໄດ້ຍົກໃຫ້ເຫັນຫຼາຍບັນຫາ ເພື່ອໃຫ້ນັກໂທດເຂົ້າໃຈຕໍ່ລະບຽບກົດໝາຍ ເພື່ອຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຢູ່ໃນສັງຄົມ

 

Off

Comments are closed.